Ваенна-патрыятычнае мерапрыемства «Школа будучага салдата» прайшло ў СШ № 3 імя Героя Савецкага Саюза Я. Томкі.
Арганізатары спаборніцтва – настаўнік дапрызыўнай падрыхтоўкі Аляксандр Яноўскі і кіраўнік па ваенна-патрыятычным выхаванні Максім Філіповіч.
Спартыўныя навыкі, спрыт, трапнасць, сілу, уменне маршыраваць прадэманстравалі тры аддзяленні: 11 А, 11 Б і 10 класы. Нягледзячы на папярэднюю падрыхтоўку, юнакі хваляваліся. Падтрымлівалі іх дзяўчаты, педагогі, вучні-пачаткоўцы.
У складзе журы – ветэраны марской службы Валерый Перашывайлаў, Васіль Барчук, Васіль Матэленак, Валерый Шаўчонак і начальнік аддзялення Дэпартамента аховы Міхаіл Пракопчык. Давялося папрацаваць, вызначаючы найлепшых.
Першае месца ў юнакоў з 11 А класа, другое заняў 11 Б, на трэцім – 10 клас.
Як заўважыў старшыня журы Міхаіл Пракопчык, расце годная змена, у якой ёсць усё неабходнае, каб стаць на абароны нашай краіны.
Наталія ГАГАЛІНСКАЯ, намеснік дырэктара па выхаваўчай рабоце.
Фотаматэрыял прадаставіла аўтар.
