На пачатку летніх канікул праваахоўнікі нагадалі школьнікам правілы бяспечных паводзін у інтэрнэце. Прэс-канферэнцыю ў медыяцэнтры Віцебскай вобласці арганізавала УУС аблвыканкама ў рамках рэспубліканскай прафілактычнай акцыі «Дэкада кібербяспекі «КіберДзеці».

Начальнік упраўлення па процідзеянні кіберзлачыннасці крымінальнай міліцыі Аляксандр Гарус заўважыў, што з 2019 года на тэрыторыі Віцебскай вобласці ўчынена звыш 6 тысяч кіберзлачынстваў. З пачатку 2023-га – за 700, прычым большасць з іх – крадзяжы грошай з банкаўскіх рахункаў. Сярод пацярпелых 21 непаўналетні. Часам падлеткі і самі выступаюць у ролі зламыснікаў.

Махляры пастаянна ўдасканальваюць спосабы завалодання чужымі грашымі. Рэзка вырасла колькаць злачынстваў, звязаных з выкарыстаннем чужых акаўнтаў у Вайберы, якія дазваляюць тэлефанаваць праз інтэрнэт. Такім чынам зладзеі хаваюцца пад чужымі нумарамі, каб пазбегнуць адказнасці.

Часта рассылкі ў чатах і суполках утрымліваюць паведамленні са спасылкамі. Насельніцтву прапаноўваюць фэйкавую навіну, вакансію ці звесткі аб паспяховасці яго дзіцяці. Пераходзячы па спасылцы, адчыняеце доступ да свайго ўліковага запісу, а зламыснікі завалодваюць акаўнтам і тэлефануюць людзям з вашага нумару. Просяць па- ўдзельнічаць у міліцэйскай аперацыі па затрыманні махляроў, прадстаўляюцца супрацоўнікамі банкаў і г. д. Такім чынам ахвярамі падобных злачынстваў сёлета сталі каля 960 жыхароў Віцебшчыны.

Яшчэ адзін папулярны метад – выкарыстанне шкодных праграм, што дапамагаюць атрымаць доступ да баз дадзеных з уліковымі запісамі людзей у сацыяльных сетках, банкаўскімі рахункамі, рэквізітамі электронных кашалькоў. За мінулы год аператыўнікі выявілі 12 хакераў, якія гэтым займаліся.

Зарабляюць кіберзлачынцы і на пляцоўках для анлайн-знаёмстваў. Схема наступная – жанчына прапануе правесці час у тэатры ці кафэ і скідвае спасылку на сайт, дзе можна набыць білеты. Мужчына ў выніку губляе ўсе свае грошы з карты.

Даўно і паспяхова аферысты карыстаюцца метадам, калі тэлефануюць ад імя блізкага чалавека, які трапіў у ДТЗ. Просяць перадаць грошы кур’еру, каб пазбегнуць праблем.

Начальнік упраўлення па процідзеянні кіберзлачыннасці крымінальнай міліцыі звярнуў увагу на тое, што нельга перахо-                дзіць па спасылках, якія дасылаюць нібыта супрацоўнікі банкаў ці іншыя асобы. Калі выпадкова дазволілі доступ да ўліковага запісу мэсанджара – змяніце гэта ў настройках. Не афармляйце крэдыты пасля званкоў ад невядомых і не пераводзьце грошы на ўказаныя рахункі, не загружайце рэкамендаваныя праграмы. Калі падазраяце, што ў адносінах да вас учыняецца злачынства – звяртайцеся ў банк і міліцыю.

Падчас прэс-канферэнцыі падлеткі цікавіліся працэнтам раскрывальнасці кіберзлачынстваў, пакараннем, праду- гледжаным за іх, хто часцей з імі сутыкаецца, як зразумець, што маеш справу з махлярамі і інш.

Падрыхтавала Алена ВАРОНІНА.

Фота для ілюстрацыі.