Фотаконкурс «Мой дзіўны край», што праводзілі аддзел ідэалагічнай работы, культуры і па справах моладзі райвыканкама сумесна з райкамам БРСМ, сабраў 26 удзельнікаў.

Злавіць у аб’ектыў навакольную прыгажосць і даслаць фота на конкурс – такімі простымі былі ўмовы спаборніцтва. Узрост удзельнікаў – 6 – 17 год. Геаграфія здымкаў абмяжоўвалася межамі Міёршчыны. Кожны фотааматар мог даслаць адну – тры работы.

Першае месца прысуджана Ульяне Янушкевіч і яе рабоце «Прыгажосць родных палёў».

На другім пейзаж на рацэ Дзісна Дар’і Маханьковай.

Трэцяе ў «Нябеснага адлюстравання» Усціны Ясінскай.

 Аўтар самага арыгінальнага здымка – Надзея Мацвеева, на чыім фота праз кроплі дажджу на шкле праступаюць абрысы ранняй вясны.

Пераможцы атрымалі дыпломы і падарункі.

Фота канкурсантаў.

Кацярына РЫНКЕВІЧ.