Ученики Дисненской СШ имени М. Кузьмина посетили Центр безопасности МЧС в Новополоцке. Экскурсию проводили с целью воспитания культуры безопасности жизнедеятельности, систематизации тематических знаний, формирования навыков действия в случае опасной или чрезвычайной ситуации. Вучні Дзісненскай СШ імя М. Кузьміна наведалі Цэнтр бяспекі МНС у Наваполацку. Экскурсію ладзілі з мэтай выхавання культуры бяспекі жыццядзейнасці, сістэматызацыі тэматычных ведаў, фарміравання навыкаў дзеяння ў выпадку небяспечнай або надзвычайнай сітуацыі.

З правіламі бяспечных паводзін дзеці пазнаёміліся ў цікавай захапляльнай форме, атрымалі шмат карыснай інфармацыі і станоўчых эмоцый. Паглядзелі відэафільм, адказалі на пытанні на планшэтах, знайшлі небяспечныя месцы ў імправізаванай кватэры. Больш за ўсё ўражанняў атрымалі ў напоўненым дымам лабірынце, дзе адпрацоўвалі дзеянні па эвакуацыі з задымленага памяшкання.

 Наведаць Цэнтр бяспекі МНС цікава і карысна. Тут не толькі даведаешся карысную інфармацыю, але і адчуеш сябе ў цэнтры надзвычайнай сітуацыі, з якой неабходна знайсці выйсце.

Алена БЯЛЕВІЧ, настаўнік пачатковых класаў.
Фота прадаставіла аўтар.