Каля помніка Уладзіміру Караткевічу ў 95-ю гадавіну з Дня яго нараджэння і ў 20-годдзе ўтварэння абласного аддзялення Саюза пісьменнікаў Беларусі сабраліся людзі, якія добра ведаюць яго творы. Ускладзеныя да помніка кветкі сталі данінай памяці і павагі ад удзячных землякоў. Традыцыя прыносіць чырвоныя гваздзікі, праводзіць чытанні 26 лістапада, у дзень, калі на свет паявіўся будучы класік, паказвае, як шмат прыхільнікаў у сапраўднага таленту.
Празаік, паэт, драматург, публіцыст, сцэнарыст – у кожнай з гэтых іпастасяў класік услаўляў родную беларускую мову і імкнуўся вызваць у чытачоў цікавасць да айчынная гісторыі. Менавіта таму Уладзімір Караткевіч застаецца літаратурным маяком для многіх сучасных творцаў і атрымаць прэмію яго імя – вялікі гонар. Урачыстая цырымонія ўзнагароджання лаурэатаў гэтай абласной літаратурнай прэміі адбудзецца сёння, 26 лістапада, у абластной бібліятэцы імя У. І. Леніна.
“Быў. Ёсць. Буду” – у Віцебску ўшанавалі памяць Уладзіміра Караткевіча 
.jpg)