Надвор'е – цудоўнае. Гледачоў – і малых і дарослых – мноства. Артысты – таленавітыя і энергічныя. Святочны канцэрт «Мілыя сэрцу мясціны» сабраў у Ісце мясцовых і жыхароў суседніх вёсачак, гасцей.

Задавалі настрой народны фальклорны калектыў «Іставіца», артысты Язненскага СДК Алена Банах, Вольга Александроўская, Ірына Балай, Уладзімір і Рэгіна Рунды, Лілія Спірковіч. Спявалі для землякоў Ігар Мятла і Анатоль Дубоўскі. Госці з Мінска – пісьменік Славамір Даргель з артыстамі.

Разам спявалі, танцавалі, вадзілі карагоды. Дзякавалі артыстам дружнымі апладысментамі і букетамі кветак. Святочны канцэрт доўжыўся дзве з паловай гадзіны і праляцеў, як адна хвіліна. Эмоцый і ўражанняў – на год наперад.

Нізкі паклон і вялікі дзякуй усім, хто падарыў вяскоўцам свята!

Раіса НАЛІВАЙКА,
загадчык Істаўскага сельскага клуба.