Але такі ж няўрымслівы і энергічны. Няйнакш, гэта характэрная рыса для ўсіх паэтаў. А наш зямляк яшчэ і тэарэтык вершаскладання, нават выдаў аб гэтым кнігу са сваімі поглядамі на паэзію. Вядзе паэтычны раздзел ў рускамоўным часопісе "Корни" як член расійскга Саюза пісьменнікаў, аўтар дзевяці кніг паэзіі, мае ў запасе вершаў яшчэ на некалькі зборнікаў. Прэзентаваў нам сваё новае выданне—кнігу паэзіі "В русле жизни". І прачытаў з яе некалькі твораў. Іх друкуем.

А яшчэ вершы кампазітарам для напісання песень. Удзельнічае ў правядзенні розных мерапрыемстваў сярод рускай і беларускай зямляцтваў у Латвіі і Літве. Супрацоўнічае з беларускі хорам "Вытокі" і нядаўна падарыў яму сваю песню для выканання на канцэртах. Здымаўся ў эпізодах 15 фільмаў, сярод апошніх "Забыты", 10-я  англійская версія талстоўскай "Вайны і міру", амерыканскі трылер "Кошка ў лесе". Лічыць, што да прафесійнага артыста яму далёка, але так цікава здымацца разам з сапраўднымі майстрамі.

У вялікім пластыкавым пакеце нёс Іван Іванавіч для раённай бібліятэкі шасцітомнік (!) пакуль невядомага нам аўтара Аляксандра Шалякіна "Беспощадное время". Гэта вынік трыццацігадовай працы над прозай афіцэра-падводніка. Лічыць наш зямляк, што ў былога капітана другога рангу атрымалася нешта на ўзроўні рускіх класікаў. Сам адкладваў усе справы, калі браўся чытаць. А ў вас, нашы паважаныя чытачы, ёсць магчымасць не толькі патрымаць у руках важкія барвовыя тамы на 650 старонак кожны, але і пераканацца ў справядлівасці ацэнак сталага літаратара.

У заключэнне Іван Іванавіч прапанаваў пацікавіцца сайтам "Подвиг народа", на якім можна даведацца пра ўзнагароды землякоў, атрыманыя ў час Вялікай Айчыннай вайны.

Дзякую за карысную сустрэчу, паважаны Іван Іванавіч.