У серыі «Бібліятэка паэзіі» пабачыў свет зборнік «Родны край – наша сонца». У кнігу ўвайшлі вершы творцаў з Віцебскай вобласці Еўдакіі Лось, Веры Вярбы і Галіны Загурскай. Галіна Пятроўна – ураджэнка месцейка Лявонпаль на Міёршчыне. 

 Выхад кнігі стаў нагодай для сустрэчы з паэткай-зямлячкай. Галіну Загурскую віталі ў цэнтральнай раённай бібліятэцы. Госця расказала пра свой жыццёвы і творчы шлях, прачытала свае вершы са зборніка. 

 Галіна Пятроўна піша не толькі словамі, але і фарбамі. Выстава яе карцін упрыгожыла творчую сустрэчу і будзе дзейнічаць у бібліятэцы на працягу лістапада.