Районный исполнительный комитет, Миорский районный Совет депутатов. Сайт www.miory.vitebsk-region.gov.by. регистрационное свидетельство № 956. Издано 6 января 2010 года Министерством информации Республики Беларусь
Профилактика: С 12 по 22 ноября состав ГАИ переведен на усиленный вариант несения службы
Общество: Megatop выпустил первый обувной адвент-календарь к Новому году
Экономика: Витебская область продолжает сохранять положительную динамику финансовых результатов
Профилактика: В преддверии ноябрьских распродаж по всей Беларуси активизируются интернет-мошенники
Общество: Дан старт финалу республиканского конкурса «SuperПрофи-2026»
Берагіня. Так раней у народзе называлі малюсенькую лялечку, якую выраблялі з кавалкаў тканіны і іншых спадручных матэрыялаў для сябе ці блізкага чалавека як абярэг ад цяжкасцей і выбрабаванняў. Сучаснік не надта верыць у магічную дапаможную сілу такіх рэчаў, але працэс іх стварэння захапляе. Таму і стаў напрамкам дзейнасці Дзісенскага філіяла раённага Цэнтра дзяцей і моладзі.
Пра гэта апавядае дырэктар Вольга Смаршчок. Падчас візіту рэдакцыі яна рыхтавала вырабы для кірмашу на Дзень горада. У акружэнні экспанатаў выставы народных лялек Вольга Аляксандраўна вязала кручком вялікі круглы дыван. Тлумачыла пра арганізацыю дзіцячага адпачынку дзякуючы аб’яднанням па інтарэсах.
У філіяле Цэнтра ў Дзісне такіх 14: для тых, хто захапляецца камп’ютарам і экалогіяй, турызмам і тэатрам, рукадзеллем і мяккай цацкай, многім іншым. Самыя папулярныя сярод школьнікаў менавіта выраб мяккіх цацак і бісерапляценне, гэта напрамкі педагога Вольгі Сіцько. Пацвярджэннем стала надта арыгінальная і прыгожая лялька “дзісняначка” – твор васьмікласніцы Ангеліны Грыгаран, за які атрымала другое месца ў вобласці.
Сама Вольга Смаршчок, дарэчы, карэнная дзіснянка, захапляецца гісторыяй роднага горада. Вынік намаганняў яе і іншых патрыётаў Дзісны – музей. Варта яго наведаць, некалькі пакояў з безліччу экспанатаў уражваюць. Многія рэчы прывозілі з родных месц калегі-настаўнікі, нешта падарылі госці, аднак большасць рэчаў мясцовыя. Вольга Аляксандраўна сустракалася са сталымі гараджанамі, звярталася па дапамогу да школьнікаў, заўсёды наведвалася ў будынкі, што засталіся без гаспадароў, у зачыненыя ўстановы і прадпрыемствы на месцы і ў наваколлі.
Радуецца кожнай знаходцы. У ліку апошніх, напрыклад, арыгінальныя старыя цымбалы. Толькі тут, у музеі, цяпер можна пабачыць знакамітую дзісенскую кераміку, некалі надта папулярную ў насельніцтва. Яе адрозніваюць ад іншай каляровыя выявы лісточкаў розных раслін і кветак.
Ганарыцца Вольга Аляксандраўна тым, што прымала экскурсантаў з усіх кантынентаў, нават з далёкай Аўстраліі. Да яе звярталіся з Польшчы продкі колішняга жыхара Дзісны, каб дапамагла адшукаць дзедаўскую-прадзедаўскую сядзібу. Час не пашкадаваў пабудовы, сцёр памяць пра людзей. Давялося звярнуцца да старых планаў горада, архіўных матэрыялаў, ветэранаў. Жменька роднай зямлі стала даўняму земляку самым жаданым падарункам.
Запомнілася Вользе Аляксандраўне экскурсія для дзядулі з унукамі з Германіі. У невялікай зале, прысвечанай гісторыі дзісенскіх яўрэяў і памяці ахвяр халакосту, стары немец выслухаў экскурсавода, стоячы на каленях перад спісам расстраляных гараджан. Сваім нашчадкам ён даў наказ ні ў якім выпадку не паўтараць грахі дзядоў…
Вольга Аляксандраўна спадзяецца, што гэты раздзел будзе дапоўнены. Крыніцай звестак можа стаць вялікая кніга “Дзісна. Кніга памяці пра яўрэйскую абшчыну”. Яна выдадзена ў 1959 годзе і даўно падорана музею шматлікай дзісенскай дыяспарай Іерусаліма. Толькі на іўрыце ў нас ужо ніхто не чытае.
Між тым, музей пашыраецца. Яшчэ адзін пакой адведзены гісторыі кнігі. Ён у працэсе афармлення. У планах Вольгі Аляксандраўны адрадзіць купецкі дом. Будынак на дзіва нядрэнна захаваўся, цяпер не эксплуатуецца. Пабачыць, як арганізоўвалі гандаль і ўласнае жыллё нашы продкі, цікава самім дзісенцам, турыстам і гасцям горада.
Фота аўтара.
Леанід МАТЭЛЕНАК.
Официальный сайт районной газеты" Миорские новости «©2010-2026 "mijory.by". Все права защищены. Индекс 63971. Перепечатка материалов разрешается только с указанием обратной ссылки на источник материала; фотоматериалов-только с официального разрешения. Редакция публикует материалы в порядке обсуждения, не разделяя точку зрения автора. Авторы отвечают за подбор и достоверность фактов
Наш сайт использует файлы cookie, в том числе сервисов веб-аналитики, чтобы улучшать работу сайта и делать его удобнее. Продолжая пользоваться сайтом, вы соглашаетесь на обработку персональных данных при помощи cookie-файлов. Подробнее в Политике обработки персональных данных и Информации об используемых файлах куки.