Летась у раёне паболела крадзяжоў і эканамічных правапарушэнняў, асабліва ва Узмёнскім, Новапагосцкім, Міёрскім, Туркоўскім, Мікалаёўскім, Завуццеўскім сельсаветах і Дзісне. Раскрываемасць крымінальных злачынстваў склала 64,7%, што вышэй сярэднеабласнога ўзроўню, аднак арганізатары 74 крадзяжоў не выяўлены. І нас не павінна супакойваць тое, што не было наўмысных цяжкіх цялесных пашкоджанняў, разбояў, хуліганстваў і падпальванняў.

Асаблівай увагі патрабуе захаванне дзяржаўнай маёмасці. Вялікі грамадскі рэзананс выклікаюць крадзяжы з магазінаў, а іх летась учынена 5, у асноўным з гандлёвых аб’ектаў райпа.

Недастатковы кантроль за вартавой аховай. Ёсць праблема з асвятленнем тэрыторый і месц захоўвання тавара-матэрыяльных каштоўнасцей. 24 вартаўнікі знаходзіліся на рабочых месцах у нецвярозым стане. Выправіць сітуацыю дазваляе падключэнне аб’ектаў на пульт цэнтралізаванага назірання аховы. Цяпер іх ахоўваецца 260, за апошнія месяцы паболела на 25.

На ўзровень правапарадку ў першую чаргу робяць уплыў алкагалізацыя насельніцтва і лад жыцця асоб, якія маюць судзімасці, сямейная нядобранадзейнасць. Вось таму не аслабляецца ўвага захаванню антыалкагольнага заканадаўства. На прымусовае лячэнне накіравана 27 асоб, 7 абмежаваны ў дзеяздольнасці. У адносінах асоб, якія не сталі на шлях выпраўлення, складзена 29 пратаколаў, устаноўлена 8 прэвентыўных наглядаў і 6 падоўжана, узбуджаны 23 крымінальныя справы. За спайванне непаўналетніх прыцягнута да адміністрацыйнай адказнасці 20 дарослых. Аднак гэтага аказалася недастаткова, каб зменшыць “падлеткавую злачыннасць”.

У лячэбна-працоўныя ўстановы летась накіравана 11 абавязаных асоб, у адносінах гэтай катэгорыі парушальнікаў узбуджана 5 крымінальных спраў.

У раёне не зніжаецца актуальнасць эканамічнай злачыннасці. Хаця прафілактыкай правапарушэнняў ахоплена шырокае кола насельніцтва.

Сёлета ўзровень злачыннасці ніжэйшы мінулагодніх паказчыкаў. Ён не дасягнуў сярэднеабласных паказчыкаў. Аднак трывогу выклікае сітуацыя ў Міёрскім, Туркоўскім, Новапагосцкім, Мікалаёўскім сельсаветах і ў райцэнтры. Не менее крадзяжоў, ёсць праблема з іх раскрываемасцю. Не более правапарушэнняў, учыненых у стане алкагольнага ап’янення і непаўналетнімі, у сферы сямейна-бытавых адносін. Стабілізавана дарожная абстаноўка. Аднак гэта толькі пачатак вялікай работы.

У. УТКІН,

начальнік аддзялення аховы

правапарадку і прафілактыкі РАУС.