Усе мы паспелі ўпэўніцца, што пластыкавая картка — гэта надзейнасць і зручнасць для яе карыстальніка.

Для прадпрыемстваў плюсы пластыкавых картак заключаюцца ў наступным: палягчаецца работа бухгалтэрыі і касы; не трэба атрымліваць, дастаўляць, захоўваць наяўныя грошы; няма неабходнасці дэпаніраваць незапатрабаваныя наяўныя грашовыя сродкі; няма адзінага дня атрымання заробку; спрашчаецца ўлік руху безнаяўных выплат.

Для банка перавагі картак такія: папаўненне рэсурснай базы; павелічэнне колькасці кліентаў; магчымасць укаранення і развіцця новых тэхналогій і паслуг з выкарыстаннем картак у масавых аб'ёмах.

Прадпрыемствы гандлю і сэрвісу таксама толькі выйграюць ад выкарыстання пластыкавых картак: знікае праблема фальшывых грошай; растуць тавараабарот і прыбытак.