Песні вайны, песні міру, песні Перамогі гучалі на плошчы ля Цэнтра культуры і народнай творчасці ў святочны дзень 9 Мая. Канцэрт «Перамога! Адна на ўсіх!» сабраў шмат гледачоў, якія падтрымлівалі артыстаў апладысментамі.

Як заўважылі вядучыя, песня ў гады Вялікай Айчыннай вайны служыла салдатам і зброяй, і лекамі: з ёй ішлі ў атаку, ёй цешылі душу ў ціхія хвіліны паміж баямі.

 Моцныя пачуцці выклікалі творчыя нумары, з якімі выходзілі на сцэну артысты Цэнтра культуры і народнай творчасці. Пра дзяцей вайны, чыім маленькім сэрцам давялося вынесці вялікі боль, спявала з юнымі выканаўцамі Святлана Ішчук. Гісторыю сямейнай пары з маленькім дзіцём у блакадным Ленінградзе расказала ў песні Дар’я Мілашэвіч. Эстэтычна глядзеўся нумар Дзіяны Лямеза з кампазіцыяй «Журавли». Гучала вядомая многім пакаленням «Кацюша» ў выкананні Валерыі Паўлоўскай. З запалам спяваў «Эх, путь-дорожка фронтовая» Ігар Мятла.

Кожны нумар знаходзіў водгук у апладысментах гледачоў.

«Береги в стране тишину,

Помни страшную войну.

Нам уже какую весну

Солнце мира светит…» – разам спявалі ў фінале артысты.

Перамога аб’ядноўвае пакаленні, нам даверана захоўваць памяць пра подзвіг нашых продкаў, і мы не маем права забыць перажытае імі. 

 У ТЭМУ

Удзельнікі ўрачыстасці далучыліся да Усебеларускай хвіліны маўчання.

Катярына Рынкевіч.
Фотаматэрыял Казіміра Блажэвіча.