(Пачатак 21-04-2025).

 На памятным знаку ў скверы на плошчы Леніна знайшлі адлюстраванне імёны тых, хто вызваляў Міёры ад нямецка-фашысцкіх захопнікаў. Надпіс сведчыць, што 4 ліпеня 1944 года ў аперацыі «Баграціён» тут прымалі ўдзел воіны 9-й гвардзейскай стралковай дывізіі 2-га стралковага корпуса, 4-й партызанскай беларускай брыгады, партызанскай брыгады «Кастрычнік» і партызанскай брыгады імя Калініна. Што вядома пра іх кіраўнікоў, даведаемся з розных крыніц.

Вядома, што 4-я партызанская беларуская брыгада ў гады Вялікай Айчыннай вайны дзейнічала на акупіраванай нямецка-фашысцкімі захопнікамі тэрыторыі Мехаўскага, Гарадоцкага і Расонскага раёнаў Віцебскай вобласці, Дзісненскага, Міёрскага і Шаркаўшчынскага раёнаў Вілейскай вобласці БССР, Невельскага раёна Калінінградскай вобласці РСФСР.

У снежні 1943 года брыгада разграміла варожы гарнізон у Лявонпалі Дзісненскага раёна, у лютым 1944-га – у вёсках Жыгулі і Узмёны Міёрскага раёна. Тады ж партызаны вялі баі з гітлераўцамі ля вёскі Скакуны і напалі на варожы гарнізон у Дзісне. У ноч на 4 чэрвеня прарвалі блакаду ў раёне вёскі Мнюхі і выйшлі з акружэння.

Дзмітрый Дзюмін, які кіраваў брыгадай пры вызваленні Міёр, нарадзіўся ў 1910 годзе ў Алтайскім краі РСФСР. Узнагароджаны Ордэнам Чырвонай Зоркі і медалём «Партызану Айчыннай вайны» І ступені.

Працяг будзе.

Алена Вароніна.
Фота з архіва рэдакцыі.