Полацкі міжраённы камітэт дзяржкантролю працягвае сачыць за выкананнем даручэнняў Прэзідэнта ў сферы жывёлагадоўлі. 

  Забяспечваецца выпраўленне парушэнняў і недахопаў, выяўленых падчас маніторынгу ў сакавіку – чэрвені ў кожнай з дзевяці абследаваных сельгасарганізацый Міёрскага, Верхнядзвінскага, Полацкага і Расонскага раёнаў.
   Найбольш распаўсюджаныя парушэнні – несвоечасовая ачыстка жывёлагадоўчых памяшканняў, недахоп або адсутнасць падсцілачнага матэрыялу, беспарадак на тэрыторыі, утрыманне цялят групамі, поўная або частковая адсутнасць агароджы ля ферм, несвоечасовая рэгістрацыя інфармацыі ў дзяржаўнай інфармацыйный сістэме ідэнтыфікацыі, рэгістрацыі, адсочваемасці жывёлы.
   Таксама выяўлены факты адсутнасці камбікорму і вады ў цялят (Полацкі і Міёрскі раёны), недастатковага кантролю за наяўнасцю ідэнтыфікацыйных бірак (Полацкі і Міёрскі раёны), неправядзенне даследавання крыві ўсіх нованароджаных цялят на наяўнасць імунаглабулінаў (Полацкі, Верхнядзвінскі, Міёрскі раёны).