Зрабіць запасы сельгаспрадукцыі, паліва і іншых харчовых і нехарчовых тавараў можна будзе ў гэтыя выхадныя. У суботу, 3 кастрычніка, у Дзісне і ў нядзелю, 4 кастрычніка, у Міёрах, з 8 да 13 гадзін пройдуць восеньскія кірмашы.

Будуць прадстаўлены садова-агародны інвентар, насенная бульба, пасадачны матэрыял пладова-ягадных культур, саджанцы, кандытарскія і кулінарныя вырабы ўласнай і прамысловай вытворчасці і іншыя групы тавараў. Дровы даставяць філіял Віцебскаблпаліва і лясгас.

У Дзісне гандлёвыя рады размесцяцца на тэрыторыі рынку па вуліцы Дзвінскай, 16. У Міёрах кірмаш адбудзецца на пляцоўцы перад рынкам па вуліцы Леніна, 70.