Вынікі работы ідэалагічнай вертыкалі падвялі на пленарным пасяджэнні абласнога семінару, што прайшоў у Лепельскім раёне. Таксама намецілі планы на будучыню.

Тут разгледзелі работу па патрыятычным выхаванні насельніцтва, перарэгістрацыі рэлігійных абшчын, сітуацыю ў інфармацыйным полі.

На тым, што строгае захаванне заканадаўства і паўсямеснае выкарыстанне дзяржаўнай сімволікі, актыўнае прывіццё любові да яе з маленства – залог паспяховага патрыятычнага выхавання і ідэалагічнай работы, акцэнтавала ўвагу начальнік галоўнага ўпраўлення ідэалагічнай работы і па справах моладзі аблвыканкама Марына Навіцкая.

Яна паставіла задачу больш актыўна ўцягваць у ідэалагічную работу прадстаўнікоў бізнесу, навучэнцаў сярэдніх спецыяльных і прафесійна-тэхнічных навучальных устаноў. Пры гэтым не гнацца за колькасцю мерапрыемстваў, а праводзіць іх якасна, каб ва ўдзельнікаў заставаліся прыемныя ўражанні і ўспаміны. Акцэнт для сродкаў масавай інфармацыі – нарошчванне дзяржаўнага кантэнту і выкарыстанне мультымедыйнага фармату ў сацыяльных сетках.

Мерапрыемства завяршылася цырымоніяй узнагароджання ідэалагічных работнікаў. Міёрскі райвыканкам адзначаны Пахвальнай граматай Упаўнаважанага па справах рэлігій і нацыянальнасцей Рэспублікі Беларусь за актыўны ўдзел у рэалізацыі праекта «Адміністрацыйны рэгіён Беларусі – арганізацыя суайчыннікаў за мяжой. Узнагароду начальнік галоўнага ўпраўлення ідэалагічнай работы і па справах моладзі аблвыканкама Марына Навіцкая ўручыла начальніку аддзела ідэалагічнай работы і па справах моладзі райвыканкама Аксане Ашурка. 

Алена ВАРОНІНА.