Да Дня пажарнай службы "Можа быць, у Дабра і Зла—адзін і той жа твар. Усё залежыць ад таго, калі сустракаюцца яны на шляху кожнага з нас",—пісаў Коэльа. Так можна сказаць пра агонь. Ён бывае пяшчотным і жорсткім, заварожвае і палохае, дорыць цяпло і губіць жыццё. Калі з надзейнага сябра агонь ператвараецца ў небяспечнага ворага, набіраецца нумар 101 і ў лічаныя хвіліны на месца здарэння адпраўляюцца пажарныя. Ім не прывыкаць да гарачага дыхання стыхіі, у бой з якой уступаюць рашуча і ўпэўнена.
—Па стане на 18 ліпеня ў раёне здарылася 7 пажараў, адзін з якіх на аб'екце дзяржуласнасці. Загарэўся кормаўборачны камбайн, што належыць ААТ "Міёрскі райаграсэрвіс". Астатнія выпадкі—у прыватным сектары. Гарэлі гаспадарчыя збудаванні. Гібелі людзей на пажарах з пачатку года не дапушчана,—расказвае начальнік раённага аддзела па надзвычайных сітуацыях Сяргей Слізень.—Пастаянная праблема, з якой сутыкаемся кожную вясну—выпальванне сухой расліннасці. Наводзячы парадак ля сваіх дамоў, гаспадары нярэдка забываюцца на правілы пажарнай бяспекі.
—Нагадайце найбольш частыя прычыны пажараў?
—Яны не мяняюцца. Па-ранейшаму большую частку загаранняў выклікае неасцярожнае абыходжанне з агнём. Да прыкладу, калі пакідаюць без нагляду печ, што цепліцца, ці кідаюць непатушаны акурак. Агонь, пакінуты без нагляду, можа стаць прычынай вялікай бяды. Між тым з кожным годам пажараў у раёне менее. Калі звярнуцца да статыстыкі за апошнія пяць год, бачна, што і на Міёршчыне, і ў вобласці, і ў цэлым па рэспубліцы іх колькасць змяншаецца. Меншыя і чалавечыя ахвяры.
Што прыводзіць да зніжэння лічбаў сумнай статыстыкі?—Як вядома, надзвычайную сітуацыю лепш папярэдзіць, чым пасля ліквідоўваць яе наступствы. Заўсёды надавалася вялікая ўвага прафілактычнай рабоце. Актыўна праводзіцца яна і цяпер. Пад пільнай увагай шматдзетныя і нядобранадзейныя сем'і, адзінокія і адзінока пражываючыя пенсіянеры і інваліды. Праводзім праверку іх домаўладанняў. Як пра-віла, большасць заўваг наконт стану пячнога ацяплення і электраправодкі. Інфармуем пра выяўленыя недахопы райвыканкам, сельвыканкамы і іншыя зацікаўленыя службы. Навучанне грамадзян мерам пажарнай бяспекі ажыццяўляецца падчас сельскіх сходаў, сустрэч у працоўных калектывах. Дзяцей з правіламі бяспекі знаёмім у гульнёвай форме. Інспектар групы прапаганды і ўзаемадзеяння з грамадскасцю часты госць у навучальных установах раёна. Дзеці—самая ўдзячная аўдыторыя, з цікавасцю слухаюць і лёгка ўспрымаюць інфармацыю. Чаму іх навучым, такі вынік і будзем мець. Роля прафілактычнай работы важная і значная.
Кожны працоўны дзень, нягледзячы на адсутнасць трывожных званкоў, патрабуе ад пажарных сабранасці і павышанай гатоўнасці. Што пажадаеце калегам напярэдадні прафесійнага свята?
—Моцнага здароўя, сямейнага дабрабыту, а трывогі толькі вучэбнай. Дзякуй усім за службу! Асобныя словы віншавання і ўдзячнасці нашым ветэранам. Сёлета іх спіс папоўнілі намеснік начальніка па ідэалагічнай рабоце і кадравым забеспячэнні Міхаіл Курашэвіч, начальнік пажарнага аварыйна-выратавальнага паста №15 "Язна" Андрэй Прашкевіч і вадзіцель ПАВП №14 "Чэрасы" Уладзімір Лукашонак. На працягу года на заслужаны адпачынак адправяцца яшчэ некалькі супрацоўнікаў. Калектыў паступова абнаўляецца, а задачы застаюцца ранейшымі. Самая галоўная—не даць агню ператварыцца з сябра ў ворага.
Гутарыла Кацярына РЫНКЕВІЧ.
Фота К. БЛАЖЭВІЧА.
Да Дня пажарнай службы 
—Па стане на 18 ліпеня ў раёне здарылася 7 пажараў, адзін з якіх на аб'екце дзяржуласнасці. Загарэўся кормаўборачны камбайн, што належыць ААТ "Міёрскі райаграсэрвіс". Астатнія выпадкі—у прыватным сектары. Гарэлі гаспадарчыя збудаванні. Гібелі людзей на пажарах з пачатку года не дапушчана,—расказвае начальнік раённага аддзела па надзвычайных сітуацыях Сяргей Слізень.—Пастаянная праблема, з якой сутыкаемся кожную вясну—выпальванне сухой расліннасці. Наводзячы парадак ля сваіх дамоў, гаспадары нярэдка забываюцца на правілы пажарнай бяспекі.
Што прыводзіць да зніжэння лічбаў сумнай статыстыкі?
.jpg)