У раённым конкурсе цырульніцкага майстэрства, што праходзіў у будынку РКБА ўпершыню, прымала ўдзел 8 спецыялістаў. Ацэньвала іх работу строгае журы ў складзе начальніка арганізацыйна-вытворчай работы ўпраўлення бытавога абслугоўвання вобласці А. У. Раева, начальніка аддзела эканомікі райвыканкама Р. М. Лакотка і намесніка дырэктара КБА Ж. А. Чэпік.

Конкурс доўжыўся некалькі гадзін. Хваляваліся і цырульнікі і іх мадэлі.

У выніку былі вызначаны пераможцы. У намінацыі “жаночая прычоска” другое месца было прысуджана Вользе Вячаславаўне Пяткевіч і Кацярыне Міхайлаўне Юшкевіч, а трэцяе — Леакадзіі Сямёнаўне Радзюк. У намінацыі “мужчынская прычоска” трэцяе прызавое месца заняла Людміла Якаўлеўна Рынкевіч, на другім — Эма Леанідаўна Немянёнак. На абласным конкурсе, які будзе праводзіцца ў лістападзе, выступіць Таццяна Іванаўна Лукашонак, якая заняла першае месца.

Цырульнікі, якія занялі першыя-трэція месцы, узнагароджаны каштоўнымі падарункамі і дыпломамі.

На здымках: 1. Над прычоскай юнай мадэлі. 2. Усе мадэлі-удзельнікі конкурса. 

Вольга ВІШНЕЎСКАЯ.