Акцябраты — не толькі школьнікі ва ўзросце 7-10 гадоў, але і маленькія грамадзяне нашай краіны. У іх ёсць свая праграма, правілы, якія павінны добра засвоіць і навучыцца выконваць. А дапамагаць ім будуць старэйшыя сябры — піянеры і, вядома ж, настаўнікі.

У Язненскай СШ своеасаблівы акцябрацкі сімвал — зорачкі. Яны заззялі на грудзях у 10 хлопчыкаў і дзяўчынак, якія вучацца ў другім класе. Гэты дзень стаў для іх сапраўдным святам. Яны ўпершыню прысутнічалі на такім мерапрыемстве, далі абяцанне быць вернымі нашчадкамі піянерскіх традыцый, старанна вучыцца, не пакідаць сяброў у цяжкія хвіліны, дапамагаць усім, хто мае ў тым патрэбу, быць ветлівымі, працалюбівымі, справядлівымі, сябраваць са спортам, з кнігай, любіць Радзіму.

Да акцябрат са словамі віншавання звярнуліся важатыя — піянеры атрада “Класная кампанія” 6-га класа, педагог-арганізатар Алена Паўлаўна Чэпікава. Будучыя піянеры атрада “Усмешка” з 5-га класа прачыталі вершы аб акцябратах. Былі арганізаваны гульні. На памяць зрабілі фотаздымак.

Атрад “Класная кампанія”

 6 класа.