Сёння ў Беларусі стартавалі цэнтралізаваныя экзамены і тэсціраванне ў адзіныя тэрміны. На Міёршчыне ЦЭ па прадмеце па выбары на базе СШ № 3 імя Героя Савецкага Саюза Я. Томкі здавалі 72 чалавекі, у тым ліку адзін – экстэрнам.

Начальнік аддзела па адукацыі райвыканкама Уладзіслаў Кашкур расказаў, што найбольшая колькасць выпускнікоў выбрала матэматыку – 29 чалавек. Яшчэ 17 здавалі біялогію. Астатнім дысцыплінам – грамадазнаўству, англійскай мове, гісторыі Беларусі, хіміі і фізіцы – аддалі перавагу ад чатырох да сямі вучняў. 

Цэнтралізаваныя экзамены праходзяць у краіне трэці год, таму працэс наладжаны.

– Настрой выдатны. Хлопцы і дзяўчаты ішлі на экзамены з лёгкім хваляваннем, але абстаноўка была спрыяльная. Усё прайшло на выдатна, – заўважыў Уладзіслаў Часлававіч.

n Алена ВАРОНІНА.