Авторизация
 

На Міёршчыне будуць з палівам

+
На Миорщине будут с топливом9 лютага "прамую лінію" з жыхарамі раёна правёў дырэктар Міёрскага філіяла УП "Віцебскаблпаліва" Сяргей Мікалаевіч КРУК. Зразумела, што тэлефонная размова пераважна ішла пра перспектывы і магчымасці забеспячэння дрывамі і торфабрыкетам у новым годзе. 
 
Кожны суразмоўца атрымаў адказ на цікавячае яго пытанне, а для раённай газеты кіраўнік асноўнай палівазабяспечвальнай на Міёршчыне арганізацыі падрыхтаваў наступнае паведамленне: 
 
—У гэтым годзе ў пытаннях забеспячэння палівам для жыхароў раёна асаблівых змяненняў не адбылося. Мы працягваем кіравацца пастановай Савета Міністраў №1028 ад 9.11.2012 г., якой устаноўлены межавыя нормы водпуску насельніцтву па фіксаваных рознічных цэнах на працягу года на домаўладанне аднаго з наступных відаў паліва: торфабрыкету—3,5 тоны, дроў—4,9 кубічнага метра. Іх маюць права набываць грамадзяне, якія пастаянна жывуць ў Рэспубліцы Беларусь і зарэгістраваны па месцы жыхарства ў жылым доме, у якім ёсць пячное (вадзяное, паравое) ацяпленне, і які не падключаны да сістэмы цэнтралізаванага цеплазабеспячэння.

Спажыўцы, якія маюць паліўныя кніжкі, заказваюць патрэбны від паліва па тэлефоне 4-04-17, спасылаючыся на нумар гэтай кніжкі. 
Для льготнай катэгорыі грамадзян—вяскоўцаў для атрымання паліва штогод патрэбны даведка сельвыканкама, а для гараджан—з УП ЖКГ, копія адпаведнага пасведчання і заява.

Цяпер дзяржава аплачвае значную частку паліва для насельніцтва. Кошт торфабрыкету на заводзе складае 685 тыс. рублёў за тону, а мы прадаём яго спажыўцу за 241 тысячу, ільготнікам—нават за 120500 рублёў; дровы купляем у лясгасе па 260 тыс. рублёў за кубічны метр, рэалізуем за 86 тысяч бярвеннямі. Папілаваныя—4,9 кубаметра—каштуюць без дастаўкі 800 тыс. рублёў, шчапаныя—1100 тысяч.
У насельніцтва вялікім попытам карыстаецца торфабрыкет з-за вялікай цеплааддачы пры згаранні—4000-4200 ккал/кг (параўнайце: ў дроў 1800-2200 ккал/кг). Якасць гэтага паліва яшчэ больш павысіцца, бо торфабрыкетны завод "Браслаўскі" вядзе капітальную рэканструкцыю вытворчасці, практычна гэта будзе новае прадпрыемства.

Каб не ствараць ажыятаж з набыццём паліва ў летне-асеннія месяцы, прапаную насельніцтву пачаць клапаціцца пра заказ брыкету на наступны ацяпляльны сезон ужо цяпер. Тым больш, што кошт энергарэсурсаў можа павялічыцца.
Аднак у цэлым сітуацыя з забеспячэннем палівам сёлета чакаецца лепшая, чым у папярэднія гады. У кожнага жыхара Міёршчыны ёсць магчымасці мець цяпло ў жыллі.

Падрыхтаваў Леанід МАТЭЛЕНАК.


рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта