Авторизация
 

Чым у цэнтры шкодны “Вегас”?

Чем в центре вреден "ВЕГАС"? Пісьмо ў рэдакцыю даслалі індывідуальныя прадпрымальнікі, што працуюць у павільёнах на плошчы ў райцэнтры. Пяць чалавек выказвалі сваё нездавальненне паводзінамі наведвальнікаў і дзейнасцю залы гульнявых аўтаматаў “Вегас”. Год таму яны звярталіся да мясцовых структур з аналагічнай просьбай навесці парадак, аднак разбіральніцтва закончылася толькі пісьмовымі адказамі. Пра ўсе акалічнасці падрабязней.

 

З 2010 года ГДА “Віт-Гейм” арандуе павільён плошчай па вонкаваму боку 48 кв. м, які не з’яўляецца капітальным будынкам. Хаця ў Палажэнні п. 7 аб рэалізацыі дзейнасці ў сферы гульнёвага бізнесу (у рэдакцыі Указа ад 19.11.2010 №599): “гульнявая ўстанова можа размяшчацца толькі ў капітальных будынках…, займаць гэтыя будынкі цалкам або іх ізаляваныя памяшканні”. Да таго ж, плошча павінна быць не менш 100 кв. м. У каментарыі да Указа ўдакладняецца, што для гульнявых устаноў, якія размешчаны на 1.01 2011 года ў месцах, што не адпавядаюць указаным патрабаванням, устаноўлены пераходны перыяд, і ім прадастаўлена права рэалізоўваць сваю дзейнасць да тэрміну дзеяння спецыяльнага дазволу (ліцэнзіі) без права яго падаўжэння, але не пазней 1 ліпеня 2012 года.

 

Цікавяцца прадпрымальнікі, ці мае права “Вегас” на існаванне ў райцэнтры, пры тым, што капітальным збудаванне не з’яўляецца? Аказваецца, тэрмін дзеяння ліцэнзіі якраз і доўжыцца да гэтай даты, што пацвярджаецца дакументальна. Намеснік старшыні райвыканкама А. І. Баданін адзначае, што паколькі змены ў ліцэнзію ў чэрвені 2011 года ўнесены не былі, то з 1 ліпеня 2012 года не мае права “Вегас” размяшчацца ў цяпер арандуемым павільёне. Працягваць сваю дзейнасць “Віт-Гейм” зможа толькі пры выкананні ўсіх патрабаванняў заканадаўства.

 

“Вегас” працуе кругласутачна. Вось тут і ўзнікае непрыемная акалічнасць. Справа ў тым, што некаторыя “ігракі” так заседжваюцца за гульнявым аўтаматам, што пасля не абцяжарваюць сябе дыстанцыяй ў 100 метраў да бліжэйшай прыбіральні, што знаходзіцца праз дарогу, за гасцініцай, а спраўляюць патрэбу за вуглом павільёна ці нават на ганку суседняга. І гэта ў цэнтры горада! Санітарная служба ўнесла прапанову аб будаўніцтве новай добраўпарадкаванай прыбіральні для жыхароў горада і работнікаў павільёнаў, пытанне вывучалася амаль год. Звароты паступалі і ў РАУС, аддзел хадайнічаў перад райвыканкамам, аб чым паведамляецца ў адказе намесніку міністра Міністэрства па падатках і зборах ад 5.09.2011г.: “дадзенае хадайніцтва разгледжана не было, у сувязі з чым праблема да гэтага часу не вырашана. Аднымі мерамі, прынятымі РАУС, дадзенае пытанне вырашыць не ўяўлялася магчымым”; і нарэшце 14.02.2012 г.  А. І. Баданін паведамляе наступнае: “На пасяджэнні райвыканкама ад 27.01.2012 г. даручана УП ЖКГ (У. І. Мяцеліца) сумесна з аддзелам архітэктуры і будаўніцтва (Ж. Д. Падаляка) у тэрмін да 1 сакавіка вызначыць месца пад будаўніцтва грамадскай прыбіральні, а да 1 мая выканаць работу”.

 

Дваістае ўражанне складваецца наконт “Вегаса”, калі размова ідзе пра камеры відэаназірання, якія ўстаноўлены ўнутры і звонку будынка. Менавіта па запісах можна было б высветліць парушальнікаў грамадскага парадку. Што ж тут? Калі ў мінулым годзе са скаргай прадпрымальнікі звярталіся ў райвыканкам, то пры сустрэчы ўласнікаў гандлёвых павільёнаў з работнікамі раённых служб і адказнымі за гульнявую залу “Вегас” 10 лютага была дамоўленасць, што “Віт-Гейм” прадаставіць запісы вонкавага і ўнутранага відэаназірання. Аднак гэта і да сённяшняга дня не зроблена. Неаднаразовыя напаміны плёну не прынеслі. 8 лютага сёлета райвыканкам ў адрас ГДА “Віт-Гейм” накіраваў пісьмо, дзе выкладзены азначаныя факты. 14 лютага адказу яшчэ не было. 

 

Першы намеснік начальніка РАУС С. П. Кісляк даслаў у рэдакцыю копію адказу Міністэрству па падатках і зборах ад 14.09.2011 г., у ёй згадваецца, што дазвол на ажыццяўленне дзейнасці залы гульнявых аўтаматаў раённым аддзелам унутраных спраў не выдаваўся, бо гэта не ўваходзіць у яго кампетэнцыю. “Віт-Гейм” перад пачаткам сваёй дзейнасці ў Міёрах толькі запытваў даведку аб стане тэхнічнай умацаванасці памяшкання, якое арандуе. Адказ атрымалі станоўчы пасля абследавання. Пазней, у 2011 г., у адпаведнасці з загадам МУС №63 ад 21.02.2011 г. супрацоўнікі РАУС сумесна з “Аховай” абследавалі ахоўную сігналізацыю, а таксама сістэму відэаназірання.  Непасрэдна ў адказе, адрасаваным  рэдакцыі, удакладняецца, што ў дачыненні да “Вегаса” скаргаў і заяў ад жыхароў райцэнтра не паступала, а толькі ад індывідуальных прадпрымальнікаў. Адпаведныя праверкі праводзіліся. Штат супрацоўнікаў РАУС не дазваляе на плошчы па вул. Камуністычнай выставіць пастаянны пост, таму ахова правапарадку ажыццяўляецца ў працэсе патрулявання. З пачатку гэтага года выяўлена 5 правапарушэнняў, з іх па 3-ох вінаватыя ўстаноўлены пры дапамозе сістэмы відэаназірання. Непаўналетніх у якасці наведвальнікаў залы не выяўлена.

 

Затое п’яны чалавек знаходзіўся за гульнявым аўтаматам, гэта зарэгістравана ў кнізе заўваг і прапаноў “Вегаса” 21 лютага мінулага года. Сын аднаго з уладальнікаў суседніх павільёнаў тады выклікаў міліцыю, якая склала пратакол “за спраўленне патрэбы” ў неналежным месцы адным з ігракоў. У адказ на гэта 4 сакавіка з’явіўся запіс: “З мэтай захавання ўказаных нормаў заканадаўства работнікі залы гульнявых аўтаматаў не прапускаюць наведвальнікаў у п’яным выглядзе”. Вось такая супярэчлівасць атрымалася.

 

Частка заробленых сродкаў ад раённага суботніка, што праводзіўся вясной, і  добраахвотныя складкі прадпрымальнікаў у мінулым годзе дазволілі добраўпарадкаваць гандлёвую плошчу. Ці ўдзельнічаў у гэтым “Вегас”? На гэтае пытанне аддзел эканомікі райвыканкама адказвае: “На тэрыторыі плошчы размешчаны 21 павільён, 15 іх уладальнікаў пералічылі грашовыя сродкі на добраўпарадкаванне, 1 — не ў поўным аб’ёме, а 6 — увогуле не пералічылі, у тым ліку і Н. Н. Шокель, які здае ў арэнду свой павільён пад “Вегас” і “Віт-Гейм”. Сярод уладальнікаў павільёнаў не зрабілі добраахвотныя ўзносы, або зрабілі гэта не ў поўным аб’ёме і тыя, хто падпісаўся ў звароце ў рэдакцыю 26.01.2012 г.”  

 

“Падаткі ад ажыццяўлення дзейнасці залы гульнявых аўтаматаў “Вегас” ГДА “Віт-Гейм” спраўна плаціць ў раённы бюджэт”, — паведамляе начальнік інспекцыі па падатках і зборах М. В. Лакотка. Між іншым, таксама выконваюць гэты абавязак і іншыя індывідуальныя прадпрымальнікі.

 

Прадпрымальнікі прапанавалі лепш асвятліць гандлёвую плошчу, каб папярэдзіць супрацьпраўныя дзеянні. Толькі як гэта зрабіць і за чый кошт? А. І. Баданін па магчымасці рэкамендуе ўладальнікам павільёнаў замяніць шыльды на канструкцыі рэкламнага характару з падсветкай або са святлодыёдамі. Інакш за ўстаноўку слупоў і ліхтароў трэба плаціць бюджэту. А ён не бяздонны.

Па ўсяму бачна, што недарэчнасці ў цэнтры райцэнтра 1 ліпеня разам з “Вегасам” не закончацца.

 

Падрыхтавала Вольга ВІШНЕЎСКАЯ.

скачать dle 11.3
рейтинг: 
Пакінуць каментар
  • elizar
  • 15-03-2012, 22:15
  • : 22:15
  • Пользователь offline
    • Нравится
    • 0
надеюсь что это заведении будет только до 1 июля, достали, устроили притон в центре города!
  • rom
  • 15-07-2012, 18:55
  • : 18:55
    • Нравится
    • 0
вегас убрали полнустью?
  • elizar
  • 16-07-2012, 11:02
  • : 11:02
  • Пользователь offline
    • Нравится
    • 0
Да, видел что увозили автоматы 1-го числа.
  • skin
  • 22-12-2012, 11:31
  • : 11:31
    • Нравится
    • 0
Можно былобы сделать вегас только в другом месте
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 75 386
  • 0

Інвестыцыйны форум

  • 23 сентябрь 2011, 10:05
  • 30 937
  • 1

Кандыдатамі жадаюць стаць

  • 21 август 2012, 15:30
  • 11 814
  • 0

Злавілі рыбку, ды… залатую

  • 28 февраль 2011, 16:16
  • 10 828
  • 0

Пераброддзе 2012. Погляд вучонага

  • 31 август 2012, 15:19
  • 10 509
  • 0

  • 11 февраль 2011, 11:20
  • 9 555
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 3 722
  • 2
Курс валют в Беларусь
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 июля 2017
Александр, Дмитрий, Николай, Федор

Именины 20 июля 2017
Герман, Лукьян, Павел, Сергей, Евдокия

Госці краін
free counters
Партнеры сайта
Сайт Президента Республики Беларусь Витебское областное управление МЧС Витебский областной исполнительный комитет Миорский районный исполнительный комитет Котли тривалого горіння відгуки дров яні котли тривалого горіння.