Пра службу ў міліцыі расказаў участковы інспектар з Міёр

 Сын жыхаркі аграгарадка Язна хоча паступіць на службу ў міліцыю. Пра патрабаванні да кандыдатаў і сацыяльныя гарантыі для іх расказаў участковы інспектар Віктар ГАРДУКЕВІЧ:

– На службу па кантракце прымаюць грамадзян ва ўзросце ад 18 да 25 гадоў, несудзімых, здольных па сваіх асабістых, маральных і дзелавых якасцях, стане здароўя, узроўні асноўнай адукацыі выконваць задачы, ускладзеныя на органы ўнутраных спраў. Канчатковае рашэнне прымаецца пасля працэдуры вывучэння кандыдата і праходжання ваенна-ўрачэбнай камісіі.

Перавагі службы ў органах унутраных спраў:

v  супрацоўнікі міліцыі атрымліваюць грашовае забеспячэнне, форменнае абмундзіраванне, дадатковы водпуск за выслугу гадоў, грашовую надбаўку за цяжкасць і напружанасць у службе;

v  высокі заробак, які залежыць ад выслугі гадоў і месца службы;

v  ёсць магчымасць кар’ернага росту і павышэння прафесійнага майстэрства;

v  па дасягненні ўзросту 48 гадоў, а таксама пасля 20 гадоў службы, куды ўваходзіць і вучоба ва ўстанове адукацыі МУС, з’яўляецца права на пенсіённае забеспячэнне.

Па пытаннях прыёму на службу звяртайцеся ў аддзел кадраў РАУС па адрасе: г. Міёры, вул. Дзяржынскага, 19, або на нумары 5 19 42 ці 8 (029) 290 21 45.

Падрыхтавала Алена ВАРОНІНА.
Фота для ілюстрацыі.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.