Продлить срок службы лифта

 Рашэннем Еўразійскай эканамічнай камісіі № 112 ад 19 снежня 2019 унесена змяненне ў пункт 5.5 артыкула 6 тэхнічнага рэгламенту Мытнага саюза «Бяспека ліфтаў» (ТР ТС 011/2011).

З 3.01.2020 гэты пункт выкладзены ў наступнай рэдакцыі: «ліфты, уведзеныя ў эксплуатацыю да таго, як набыў моц дадзены тэхнічны рэгламент, і якія адпрацавалі прызначаны тэрмін службы, павінны быць прыведзены ў адпаведнасць з патрабаваннямі дадзенага тэхнічнага рэгламенту ў тэрмін, не перавышаючы 12 гадоў з даты, калі набыў моц дадзены тэхнічны рэгламент».


Значыць, ліфты, якія адпрацавалі прызначаны тэрмін службы да 15.02.2013, неабходна прывесці ў адпаведнасць патрабаванням ТР ТС 011/2011 да 15 лютага 2025 года. Інакш іх не дапусцяць да далейшай эксплуатацыі.


Звяртаем увагу суб’ектаў прамысловай бяспекі:
уладальнікам, якія эксплуатуюць ліфты, што адпрацавалі прызначаны тэрмін службы да 15.02.2013, не патрэбна ўзгадненне с Дзяржпрамнаглядам адступлення ад патрабаванняў норм і правіл у галіне прамысловай бяспекі ў частцы падаўжэння тэрміну эксплуатацыі такіх ліфтаў да 15.02.2025;


уладальніку, які эксплуатуе ліфт, што адпрацаваў прызначаны тэрмін службы да 15.02.2013 і тэрмін эксплуатацыі якога адпаведна запісу ў пашпарце ліфта абмежаваны да 15.02.2020, неабходна ўзаемадзейнічаць з арганізацыяй, якая праводзіла апошняе тэхасведчанне ліфта, па ўнясенні змяненняў у запісы, што ўтрымліваюцца ў пашпарце ліфта і акце тэхасведчання, у частцы ўстанаўлення іншай даты тэхасведчання с улікам патрабаванняў пункта 104 Правіл па забеспячэнні прамысловай бяспекі пры эксплуатацыі ліфтаў і будаўнічых грузапасажырскіх пад’ёмнікаў, зацверджаных пастановай МНС ад 01.03.2011 № 18;


эксплуатаваць ліфты, якія адпрацавалі прызначаны тэрмін службы да 15.02.2013, неабходна ў парадку, устаноўленым Правіламі;
прывесці ліфты, якія адпрацавалі прызначаны тэрмін службы да 15.02.2013, у адпаведнасць з патрабаваннямі ТР ТС 011/2011, уладальнікам неабходна да 15.02.2025 у тэрміны згодна з распрацаваным графікам замены.

Фота для ілюстрацыі.

А. ВЕРАЗУБАЎ, дзяржінспектар.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.