Авторизация
 

Чаму варта пераходзіць на электраацяпленне, разбіраўся карэспандэнт "Міёрскіх навін"

 Хуткі пуск першага энергаблока БелАЭС «ставіць пад напругу» не толькі адпаведныя службы, але і насельніцтва. Прэзідэнт запатрабаваў па-максімуме павялічыць выкарыстанне электрычнасці на вытворчыя і бытавыя мэты. Перавагамі гэтага віду энергіі жадае скарыстацца ўсё больш беларусаў, сярод іх нямала жыхароў нашага раёна. Невыпадкова ўрад увёў стымулюючыя тарыфы на спажыванне электрычнасці для ацяплення і гарачага водазабеспячэння, праўда, пры асобным уліку.

У Міёрскі раён электрасетак паступае шмат пытанняў наконт пераходу на электраацяпленне. Пацікавіўся і карэспандэнт раённай газеты. На пытанні адказвае начальнік планава-тэхнічнай групы РЭС Сяргей Матэленак.

Сяргей Міхайлавіч, з чаго пачынаць?

– З заявы на імя начальніка РЭС з просьбай высветліць, ці ёсць тэхнічная магчымасць (рэзервовая магутнасць на падстанцыі) падключэння дадатковага электраабсталявання дома да электрасеткі. Большая частка энергасістэмы ў нашай мясцовасці ўзведзена яшчэ ў савецкі час, калі нормай спажывання было прыкладна 3,5 кВт на гаспадарку (сядзібу). Цяпер нагрузка рэзка павялічыцца. Ці вытрымае яе лінія, падстанцыя на ёй? Я выеду на месца, зраблю разлікі і не пазней пяці дзён дам заключэнне. Але звяртаю ўвагу на два моманты. Першы – ільготны тарыф прадастаўляецца пры паслугах не толькі ацяплення, але і гарачага водазабеспячэння (яшчэ раз падкрэслю, пры асобным уліку). Другі – магутнасць катла і воданагравальніка, іх мадэлі вызначае сам домаўладальнік. Кацёл павінен спажываць не менш за 1 кВт на 10 квадратных метраў абаграваемай плошчы. Мы ж, спецыялісты раёна электрасетак, рэкамендацыі па гэтым пытанні не даём. Толькі звяртаем увагу, што электракацёл павінен быць з раўнамернай рэгуліроўкай магутнасці без перакосу фаз ці з аўтаматыкай выбару фаз.

Якая верагоднасць, што заключэнне будзе станоўчым?

– У гэтым годзе ўжо маем 119 зваротаў: у 41 выпадку дадзены дазвол на падключэнне, 76 просьб задаволіць не дазваляе загружанасць электраліній, дзве заявы яшчэ разглядаюцца.
Калі канкрэтна, з завулка Свярдлова ў райцэнтры былі чатыры просьбы, задаволена толькі адна. Такая ж сітуацыя ў Блажках. Ва Узмёнах дазвол дадзены гаспадарам пяці сядзіб. Для сябе зрабіў выснову, што большая верагоднасць атрымаць станоўчае заключэнне ў тых, хто звяртаецца першым ці раней за суседзяў.

Ёсць магчымасці для падключэння. Які наступны крок?

– Пішаце заяву ў аддзел архітэктуры, будаўніцтва і жыллёва-камунальнай гаспадаркі райвыканкама на дазвол правядзення рэканструкцыі жылля ў мэтах электраацяплення. Адтуль нам прыдзе запыт на тэхнічныя ўмовы правядзення гэтых работ. Пасля станоўчага рашэння райвыканкама для заяўніка настане час практычных і аплатных дзеянняў.
Спачатку трэба звярнуцца ў РЭС ці іншую арганізацыю, якая мае ліцэнзію на правядзенне электрамантажных работ, каб заключыць дагавор на падключэнне трохфазнага ўводу. Гэтым дакументам будуць вызначаны прыкладны кошт работ і іх тэрміны. Ажыццяўляюцца яны па праектах на знешняе электразабеспячэнне і ўнутраныя работы, якія распрацоўваюць Глыбоцкія электрасеткі. Кожны каштуе 75 рублёў – усяго 150 руб.
У адпаведнасці з праектам Міёрскі РЭС закажа шчыт уліку электраэнергіі. Цяпер ён каштуе 515 рублёў. Гэтую суму трэба адразу пасля паступлення абсталявання ўнесці ў кошт аплаты праз тэрмінал у энергазбыце, можна і ў банку, аднак там дадаткова запатрабуюць камісійныя.


Цяпер можна гаварыць пра мантажныя работы. Толькі для іх дадаткова запатрабуюцца матэрыялы і электрафізічныя вымярэнні, іх кошт каля 200 рублёў. Прыплюсуйце прыкладна 390 рублёў на мантаж, транспартныя і накладныя выдаткі, якія павялічваюцца з аддаленасцю аб’екта. Гэтыя сумы ўносяцца пасля выканання работ і атрымання акта допуску.
Кабель ад шчыта ўліку да катла можа падключыць любы электрык.


Цяпер можаце падлічыць выдаткі на электраацяпленне. Калі меркаваць па ўжо ажыццёўленых жыхарамі раёна праектах, яны ў межах 1 200 – 1 300 рублёў. Нямала, але істотна менш за намаганні і кошт падключэння да газавай трубы. Толькі агульныя расходы значна большыя, бо тут не ўлічаны цэны катла і воданагравальніка.
Пра гэтае абсталяванне цікаўлюся ў прадаўцоў бытавой тэхнікі. Яны гатовы да наплыву пакупнікоў і прапануюць напачатку самы танны варыянт. Гэта электракатлы расійскай вытворчасці ад 3 кВт коштам 295 рублёў да 12-кілаватных за 405. Замежныя з рознымі наваротамі, напрыклад, адразу з воданагравальнікам, значна даражэйшыя – 1 400 рублёў за 6-кілаватны.

Фота з архіва рэдакцыі.

Леанід МАТЭЛЕНАК.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 727
  • 0

Інвестыцыйны форум

  • 23 сентябрь 2011, 10:05
  • 82 363
  • 1

Злавілі рыбку, ды… залатую

  • 28 февраль 2011, 16:16
  • 68 311
  • 0

Пераброддзе 2012. Погляд вучонага

  • 31 август 2012, 15:19
  • 41 215
  • 0

  • 11 февраль 2011, 11:20
  • 39 786
  • 0

Кандыдатамі жадаюць стаць

  • 21 август 2012, 15:30
  • 36 246
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 329
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 ноября 2019
Александр, Алексей, Антон, Виктор, Дмитрий, Иван, Илья, Иосиф, Константин, Порфирий, Тимофей, Федор, Семен

Именины 21 ноября 2019
Гавриил, Михаил, Павел, Рафаил

Госці краін

free counters
Партнеры сайта