Яе мэтай з'яўляецца захаванне і памнажэнне зялёных насаджэнняў, прыцягненне ўвагі грамадскасці да рашэння агульнадзяржаўных задач у сферы ўзмацнення экалагічнай, эканамічнай і сацыяльнай ролі лясоў.

У адпаведнасці з распрацаванай ДЛГУ "Дзісенскі лясгас" праграмай на працягу акцыі будзе праводзіцца пасадка маленькіх дрэўцаў на плошчы 32,4 гектара, рамонт і добраўпарадкаванне месц адпачынку, ліквідацыя несанкцыянаваных звалак, ачыстка прыдарожных палос і экалагічных сцежак.

ДЛГУ "Дзісенскі лясгас" звяртаецца да школьнікаў, дарослага насельніцтва з заклікам прыняць актыўны ўдзел у пасадцы дрэў і веснавым добраўпарадкаванні лясоў і населеных пунктаў, месц адпачынку, іншых работах. Пра іх даведаецеся ў бліжэйшым лясніцтве або лясгасе па тэл. 3 72 64; 3 78 86.