Правила надо не только знать

Некаторыя выяўляемыя Браслаўскай міжрайінспекцыяй парушэнні правіл вядзення паляўнічай гаспадаркі і палявання звычайна вельмі падобныя, на іх і звяртаю яшчэ раз увагу. Паляваннем прызнаецца пошук, высочванне, праследаванне, спроба здабычы ці здабыча паляўнічай жывёлы, што знаходзіцца ва ўмовах натуральнай свабоды, а таксама знаходжанне ў паляўнічых угоддзях і іншых месцах жыцця паляўнічай жывёлы з прыладамі палявання, за выключэннем выпадкаў, прадугледжаных Правіламі, або здабыча дзікіх звяроў і (ці) птушак, што не з'яўляюцца паляўнічымі, з выкарыстаннем прылад і спосабаў паляваня.

 

Прылады палявання — гэта зброя, паляўнічыя сабакі, лоўчыя птушкі, падсадная жывёла, пасткі і іншыя лавушкі, а таксама выкарыстоўваемыя для палявання патроны, збудаванні, прыстасаванні, транспартныя і іншыя сродкі.


Такім чынам, знаходжанне асоб у паляўнічых угоддзях і іншых месцах жыцця паляўнічых жывёл з расчахлёнай ці зачахлёнай але зараджанай зброяй, паляўнічымі сабакамі, што спушчаны з павадка, падсаднымі жывёламі, пасткамі і іншымі лавушкамі, будзе прызнана паляваннем. Таксама паляваннем стане знаходжанне асоб у паляўнічых угоддзях і іншых месцах жыцця паляўнічых жывёл з паляўнічымі патронамі. Зброя лічыцца разраджанай, калі патрон не знаходзіцца ў патронніку ствала агнястрэльнай зброі і (ці) у магазіне (абойме), што ўстаўлены ў гэтую зброю, а зачахлёнай прызнаецца зброя, якая знаходзіцца ў закрытых (зашпіленых, завязаных) чахлах ці футлярах, прызначаных для яго захоўвання і нашэння.


Дазволеныя прылады і спосабы палявання агаворваюцца паляўнічай пуцёўкай (пры паляванні на жывёл нарміраваных відаў), а таксама дадаткам 2 да Правіл у залежнасці ад віду жывёлы і сезона палявання. Такім чынам, паляванне з выкарыстаннем прылад і спосабаў, што не адпавядаюць указаным у паляўнічай пуцёўцы, а таксама знаходжанне ў паляўнічых угоддзях з такімі прыладамі палявання, з'яўляецца незаконным.


Напрыклад, пры аглядзе аўтамабіля, што знаходзіцца ў паляўнічых угоддзях, выяўлены пасткі на бабра. У якасці дакумента, што пацвярджае знаходжанне ў паляўнічых угоддзях з прыладамі палявання, прад'яўлена сапраўдная паляўнічая пуцёўка на здабычу бабра на гэтай тэрыторыі ружэйным спосабам. У такім выпадку факт знаходжання ў паляўнічых угоддзях з прыладамі палявання будзе прызнаны незаконным паляваннем, бо наяўныя прылады палявання не адпавядаюць дазволеным спосабам палявання, што ўказаны ў паляўнічай пуцёўцы (па гэтай пуцёўцы паляванне дазволена толькі стрэльбавым спосабам, а пастка адносіцца да безружэйнага спосабу палявання). У адносінах выяўленай асобы будзе складзены пратакол аб адміністрацыйным правапарушэнні па ч. 1 арт. 15.37 КоАП РБ за ажыццяўленне палявання забароненым спосабам, а прылады палявання, раз не адпавядаюць наяўнай паляўнічай пуцёўцы, у яе належаць адабранню.


Права на паляванне прадастаўляецца асобам, што маюць дзяржаўнае пасведчанне на права палявання, сапраўднае пры наяўнасці карткі ўліку парушэнняў і ўплаты пошліны з адзнакай аб яе ўплаце або з квітом аб уплаце.
Картка ўліку парушэнняў і ўплаты дзяржпошліны з'яўляецца неад'емным дадаткам да дзяржаўнага пасведчання на права палявання.
Дзяржпошліна за прадастаўленне права палявання плаціцца да пачатку палявання і пацвярджае права на паляванне на працягу 12 месяцаў з дня яе ўплаты. Дзяржпошліна за прадастаўленне права на паляванне, заплачаная пры выдачы дзяржаўнага пасведчання на права палявання ў памеры 10 БВ (з сакавіка 2003 г. да чэрвеня 2005 г.), пацвярджае права на паляванне на працягу 10 гадоў з дня яе ўплаты.


Напрыклад, паляванне праводзіцца 1 снежня 2014 года па сапраўднай паляўнічай пуцёўцы, пры гэтым паляўнічы мае дзяржпасведчанне на права палявання, выдадзенае ў ліпені 2005 года, з карткай уліку парушэнняў і ўплаты дзяржпошліны. Адзнака аб уплаце дзяржпошліны на права палявання ў картцы адсутнічае. Прадастаўлены квіт пацвярждае ўплату дзяржпошліны на права палявання 30.11.2013 года. У дадзеным выпадку паляванне прызнаецца незаконным, а дзяржпасведчанне на права палявання несапраўдным, бо дзяржпошліна за прадастаўленне права на паляванне плаціцца да пачатку палявання і пацвярджае права на паляванне на працягу 12 месяцаў са дня яе ўплаты. У адносінах паляўнічага будзе складзены пратакол аб адміністрацыйным правапарушэнні па ч. 1 арт. 15.37 КоАП РБ за ажыццяўленне палявання без належнага на тое дазволу.


Д. ПАЛУЭКТАЎ, дзяржінспектар
Браслаўскай міжрайінспекцыі.
 

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.