Авторизация
 

Чарамша

Черемша Чарамша мае знешняе падабенства з ландышам і па смаку нагадвае часнок. Дзякуючы сваім харчовым якасцям яна вельмі папулярная ў народзе. Аднак не ўсе ведаюць, што чарамша (або цыбуля мядзведжая) рэдкая расліна, уключаная ў Чырвоную кнігу Беларусі, і яе збор забаронены.

 

Рэдкай яна стала з-за варварскага знішчэння. З надыходам вясны тысячы людзей прачэсваюць лясы ў пошуках гэтай зеляніны. Менавіта неабмежаваны збор і прывёў да скарачэння месцаў росту расліны.

 

Цыбуля мядзведжая пад дзяржаўную ахову ўзята ў 1964 годзе, уключана ў Чырвоную кнігу Беларусі 1-га і 2-га выданняў (1981, 1993гг.), занесена ў Спіс рэдкіх раслін, якія знаходзяцца пад пагрозай знішчэння.

 

У сілу гістарычных прычын і гаспадарчай дзейнасці чалавека месцаў, прыдатных для існавання чарамшы, у Беларусі няшмат. Акрамя гэтага, на яе вельмі ўплываюць высечка лесу, асушальная меліярацыя, зрэзка лісця і вытоптванне ў працэсе нарыхтовак у якасці харчовай і лекавай сыравіны. Вось таму забараняецца самавольны збор і перасадка чарамшы, незаконны абарот, а таксама выдаленне і іншыя дзеянні, якія могуць прывесці да гібелі раслін, скарачэння колькасці або парушэння асяроддзя іх росту. Парушальнікаў чакае штраф у 10-30 базавых велічынь, індывідуальных прадпрымальнікаў — 20-150, юрыдычных асоб — 25-500 БВ.

 

За продаж дзікарослай мядзведжай цыбулі прадугледжаны штраф у 2- 10 базавых велічынь. За такое парушэнне, здзейсненае паўторна на працягу аднаго года пасля накладання ад-міністрацыйнага спагнання, трэба будзе заплаціць ад 10 да 30 базавых.

Дарэчы, чарамша добра размнажаецца самасевам, непатрабавальная да ўмоў і можа вырошчвацца на прысядзібных і дачных участках.

 

Н. ЛАЎРЫНОВІЧ,

вядучы спецыяліст.

рейтинг: 
Пакінуць каментар
иконка
Комментировать статьи на сайте возможно только в течении 360 дней со дня публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 января 2023
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Именины 26 января 2023
Максим, Петр, Марфа, Афанасий, Яков

Госці краін

free counters
Партнеры сайта