Авторизация
 

Стварыце казку ў двары

Калі я чатыры гады назад пачаў займацца вырабам малых архітэктурных форм, ставіў перад сабой мэту выхаванне чалавека, асабліва падрастаючага пакалення. Як педагог, быў упэўнены, што дзіця павінна выхоўвацца на станоўчых эмоцыях, а самы ўдалы матэрыял для гэтага казкі. Сярод маіх кампазіцый "Папялушка", "Сіўка-бурка", "Багатыры", "Мцыры. Бой з барсам", "Казка пра цара Салтана", "У лукоморья дуб зелёный", "Варона і лісіца", "Воўк і жораў", "Алёнушка и братец Иванушка", "Залатая рыбка" і шэраг іншых.

 

Я не вельмі люблю тыражыраваць свае вырабы, але пры неабходнасці раблю некалькіх экзэмпляраў.  Сярод іх кампазіцыі пад назвай "Пасеяў дзед рэпку", якія падарыў дзіцячым садкам у Дзісне, Туркове і Папшулях. Дзеці засталіся вельмі задаволеныя.

Летась і сёлета маю сядзібу наведвалі выхаванцы Дзісенскага садка. Трэба было бачыць, якой радасцю ззялі іх вочы. Усе пайшлі ад мяне з падарункамі, хаця пакідаць мой казачны свет не хацелі.

 

Захапленне творчай дзейнасцю — справа цікавая і карысная, але з кожным годам яна вырастае ў цане. Кошт інструментаў і матэрыялу для вырабаў зашкалівае. Зараз я ўжо не маю магчымасці раздорваць сваіх герояў і кампазіцыі. Таму прапаную наладзіць іх вытворчасць у школьных майстэрнях. Магу аказваць дапамогу настаўнікам працоўнага навучання ў вырабе малых архітэктурных форм для дзіцячых садкоў.

 

Маімі рэкамендацыямі ўжо скарысталіся многія. Два гады таму, калі ў газеце "Беларускі час" быў надрукаваны мой артыкул і здымкі, атрымаў пісьмо ад настаўніцы-пенсіянеркі з Мінскага раёна з просьбай выслаць чарцяжы некаторых кампазіцый. Нейкім чынам пра мяне даведаліся нават у Падмаскоўі. І там некаторыя падвор'і ўпрыгожваюць вырабы, зробленыя па маіх тэхналогіях. Былая калега па Акунёўскай школе з вёскі Гараны Полацкага раёна таксама дзякуючы мне ўпрыгожыла сваю сядзібу. І скверык для адпачынку пацыентаў прыватнай стаматалагічнай паліклінікі ў Полацку радуе людзей казачнымі героямі. Гаранская школа таксама пажадала мець у сваім панадворку "Алёнушку и братца Иванушку" і "Пасеяў дзед рэпку".

 

Дапамагаю і нашым людзям. Сядзібы Ганебных з Акунёва і Шыпіла з Сіцькова ўжо некалькі гадоў запар прызнаюцца лепшымі ў сельсавеце. А Віктар Іванавіч і Алена Мікалаеўна Сташкевічы летась прымалі ўдзел у рэспубліканскім конкурсе па добраўпарадкаванні падвор'яў і занялі першае месца.

 

Фадзей ШЫМУКОВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 28 июля 2021
Василий, Владимир, Петр

Именины 27 июля 2021
Иван, Ираклий, Константин, Николай, Петр, Степан, Федор

Госці краін

free counters
Партнеры сайта