Авторизация
 

"Высокі давер апраўдаю стараннем". Кацярына Маслоўская.

+
"Высокое доверие оправдаю старанием". Екатерина Масловская."Вылучэнне мяне дэлегатам на Усебеларускі народны сход стала прыемнай неспадзяванасцю, але і вельмі ўсхвалявала. Прадстаўляць раён і быць у кагорце перадавікоў на мерапрыемстве такога ўзроўню—адказна і да многага абавязвае. Для мяне гэта, несумненна, асаблівая падзея. Цяпер шматлікія сельгаспрадпрыемствы ў няпростай эканамічнай сітуацыі, ёсць спадзяванне, што дзякуючы дзяржаўным рашэнням яны змогуць развівацца, а вясковыя людзі будуць забяспечаны працай і стабільным заробкам. Малако—прадукцыя запатрабаваная, прыносіць прыбытак гаспадарцы, а таму, безумоўна, мая дзейнасць і калег па калектыве—
неабходная і важная". Кацярына Маслоўская.
 
Калектыў аператараў машыннага даення ў ААТ "Цітова" не надта вялікі—12 чалавек. У асноўным гэта людзі з жыццёвым вопытам. У ліку тых, каму да 30-ці, толькі Алеся Тамулёнак і Кацярына Маслоўская, якая працаўладкавалася сюды ў мінулым годзе і зарэкамендавала сябе перспектыўнай зорачкай на працоўнай ніве. Сустрэліся з ёй на пашы падчас абедняй дойкі. Нароўні са старэйшымі аператарамі дзяўчына ўвішна спраўлялася з абавязкамі.

Цікаўлюся ў адной з даярак пра Кацярыну. І тая станоўча ахарактарызавала калегу, пры гэтым падкрэсліла, што нягледзячы на невысокі рост і мініяцюрную камплекцыю працуе бездакорна, дзесьці старэйшыя падстаўляюць плячо, а бывае, і яна выручае. Напрыклад, лоўка атрымліваецца ў маладзіцы мыць малочнае абсталяванне.

—Прыйшла Кацярына да нас падчас стойлавага перыяду. Прапанавалі месца на ферме "Цвеціна", дзе бяспрывязнае ўтрыманне жывёлы. Аператары гуртам працуюць у даільнай зале, дзе няма размеркавання кароў па групах. Некаторыя думаюць, што на комплексе з  сучасным абсталяваннем даіць лёгка. Плюсаў шмат, але мінусы ёсць, адзін з іх—высокае размяшчэнне жывёлы ў стойлах ад рабочага месца аператара. Таму нашай "мініяцюрнай" Каці няпроста выконваць неабходныя маніпуляцыі. Аднак стараецца,—адзначае  вопытная даярка Алена Хараброва.

Хваліла дзяўчыну і загадчыца МТФ Людміла Станкевіч, пад кіраўніцтвам якой Кацярына асвойвала тэхналогію даення і іншыя тонкасці работы. 
—Раней даводзілася працаваць з даільнымі вёдрамі, а на МТФ "Цвеціна" больш складаныя ўмовы. Патрэбны аператыўнасць і зладжанасць у рабоце даярак,—дзеліцца К. Маслоўская.—На новым працоўным месцы ўсяго паўгода, а здаецца, што ўжо даўно ведаю калег і галоўных спецыялістаў. Кожны стараўся падтрымаць, параіць, дапамагчы. Наогул, калектыў наш дружны і старанны,  таму і малака шмат надойваем.  За вылучэнне мяне на пяты Усебеларускі сход дзякуй кіраўніцтву сельгаспрадпрыемства. Цікава пабываць на мерапрыемстве, пабачыць Прэзідэнта, пачуць яго ацэнку эканамічнага стану ў асноўных галінах народнай гаспадаркі, напрамкі дзейнасці па выхадзе з крызісу, даведацца пра шляхі развіцця краіны на чарговую пяцігодку. 

Тым часам на ферме будуць шчыраваць мае старэйшыя калегі—аператары Алена Харабрая, Ала Дзямешка, Іна Ліхач. На летні перыяд жывёлу для аздараўлення выгналі з фермы на зялёную траву і размеркавалі ў два гурты. У нашым—каля 230 "пяструшак", прыкладна столькі ж у другім. Каровы сытыя, бо пасвяцца па добрай траве, атрымліваюць камбікорм. Малако рэалізуем гатункам "экстра", адпаведна і патрабаванні да нас высокія, якія стараемся  выконваць.  

Даенне трохразовае, таму рабочы дзень у аператараў напружаны. Аднак ёсць выхадныя, можна і дома пагаспадарыць, і сямігадовую дачушку Юлю наведаць, якая цяпер з  бабуляй і дзядулем у Барсучыне. Кацярына на веласіпедзе імчыць у аддаленую вёску да дачушкі і бацькоў. Удзячна ім за падтрымку і дапамогу.

З  мужам Сяргеем, які працуе механізатарам, жывуць у аграгарадку ў доме, што выдзеліла сельгаспрадпрыемства. На жаль, на падворку пакуль няма добрых хлявоў, каб трымаць жывёлу. Агародніну пасадзілі. Абжываюцца пакрысе. 

Намеснік дырэктара СУП "Цітова" па жывёлагадоўлі Даната Шчаўкун з задавальненнем адзначае, што паездка на Усебеларускі народны сход Кацярыны Маслоўскай—гонар для прадпрыемства, а для маладой работніцы асабісты стымул і надалей імкнуцца наперад.

Эліза БЛАЖЭВІЧ.
  



 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 070
  • 0

Інвестыцыйны форум

  • 23 сентябрь 2011, 10:05
  • 84 229
  • 1

Злавілі рыбку, ды… залатую

  • 28 февраль 2011, 16:16
  • 76 820
  • 0

Пераброддзе 2012. Погляд вучонага

  • 31 август 2012, 15:19
  • 42 168
  • 0

  • 11 февраль 2011, 11:20
  • 40 630
  • 0

Кандыдатамі жадаюць стаць

  • 21 август 2012, 15:30
  • 36 393
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 532
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 февраля 2020
Василий, Геннадий, Иван, Иннокентий, Петр, Тихон

Именины 21 февраля 2020
Александр, Андрей, Захар, Макар, Петр, Сергей, Степан, Федор, Семен

Госці краін

free counters
Партнеры сайта