Авторизация
 

Дзяржкантроль праверыў

Правяраючых  правяраюць
У адпаведнасці з патрабаваннямі Указа ад 16.10.2009г. №510 "Аб удасканаленні кантрольнай (нагляднай) дзейнасці ў Рэспубліцы Беларусь", Камітэтам дзяржаўнага кантролю Віцебскай вобласці сумесна з дзяржаўнымі кантралюючымі органамі сфарміраваны каардынацыйны план дзейнасці на першае паўгоддзе 2015 года, які апублікаваны на афіцыйным сайце Камітэта дзяржаўнага кантролю рэспублікі.
У параўнанні з аналагічным перыядам мінулага года колькасць планавых праверак значна паменела. Так, ва ўказаны каардынацыйны план уключаны 3034 праверкі суб'ектаў гаспадарання вобласці, што на 288 ці на 8,7% менш, чым на першае паўгоддзе 2014-га.

 

Аднак звяртаем увагу, што заканадаўствам прадугледжана магчымасць уключэння ў план праверак іншых кантралюючых органаў пры наяўнасці ў іх падстаў, прапісаных ва Указе №510. Акрамя гэтага дапускаецца ўнясенне змяненняў у каардынацыйныя планы па тэрмінах правядзення праверкі ці яе выключэння, выхаду са складу сувыканаўцаў. Інфармацыю пра гэта можна прачытаць на сайце Камітэта дзяржкантролю.


У рамках пастаяннага кантролю за выкананнем кантралюючымі і нагляднымі органамі патрабаванняў заканадаўства выяўляліся факты парушэнняў Указа №510. Сярод іх неўнясенне звестак аб правядзенні праверкі ў кнігу праверак, парушэнне парадку выканання каардынацыйнага плана кантрольнай дзейнасці, непадпарадкаванне тэрмінам накіравання паведамленняў аб правядзенні планавай праверкі, падпісанне выніковага дакумента ў інтэгрыраваную аўтаматызаваную сістэму кантрольнай дзейнасці. Усяго да дысцыплінарнай адказнасці прыцягнута 8 службовых асоб кантралюючых і наглядных органаў вобласці.


Несвоечасовае рэагаванне
Камітэт дзяржкантролю Віцебскай вобласці не толькі клапоціцца пра эканамічную бяспеку рэгіёна, але і ажыццяўляе кантроль па разнастайных відах дзейнасці, у тым ліку адсочвае выкананне Указа №630 "Аб рэагаванні службовых асоб на крытычныя выступленні ў дзяржаўных сродках масавай інфармацыі", які абавязвае кіраўнікоў дзяржорганаў і арганізацый у месячны тэрмін рэагаваць на атрыманыя ад СМІ паведамленні аб апублікаваных крытычных матэрыялах. Невыкананне патрабаванняў цягне да дысцыплінарнай адказнасці, нават да вызвалення ад займаемай пасады.


Як сведчыць маніторынг, у вобласці наладжана сістэмная работа ў гэтым накірунку. Аднак асобныя кіраўнікі прадпрыемстваў і ўстаноў несвоечасова інфармавалі СМІ аб выніках разгляду апублікаваных крытычных матэрыялаў і прынятых мерах. Так, на 113 дзён пазней устаноўленага тэрміну адрэагаваў на публікацыю ў "Браслаўскай звяздзе" кіраўнік ААТ "Агравідзы", на 80—ААТ "Слабодка-агра". Са спазненнем былі накіраваны Сенненскім УП ЖКГ матэрыялы аб выніках разгляду 2-х крытычных публікацый, надрукаваных у раённай газеце ў ліпені 2014 года .
Усяго за 2014 год з-за падобных парушэнняў да дысцыплінарнай адказнасці прыцягнута 13 службовых асоб: у Сенненскім (2), Браслаўскім (2), Гарадоцкім (2), Талочынскім (1), Дубровенскім (2), Ліёзненскім (1), Аршанскім (2).


Прадпрымальны  махляр
Па матэрыялах праверкі, праведзенай Глыбоцкім міжраённым аддзелам УДФР КДК па Віцебскай вобласці, узбуджаны 2 крымінальныя справы па прыкметах злачынства ў адносінах да дырэктара прыватнага прадпрыемства г Глыбокае, які шляхам падману і злоўжывання даверам, выкарыстоўваючы заведама несапраўдныя дакументы на атрыманне таварна-матэрыяльных каштоўнасцей і дзейнічаючы ад імя аднаго з сельгаспрадпрыемстваў Верхнядзвінскага раёна, у чэрвені 2014 года атрымаў у ААТ "Полацкі камбінат хлебапрадуктаў" 40 тон пшанічнай мукі на суму звыш 200 млн. рублёў. У жніўні на тым жа прадпрыемстве аналагічным чынам атрымаў яшчэ 40 з лішнім тон мукі на 228 млн. рублёў. На гэты раз грамадзянін дзейнічаў ад імя сельгаспрадпрыемства Расонскага раёна. Цяпер устанаўліваецца, як у махляра аказаліся недааформленыя бланкі сельгаспрадпрыемстваў.


Без акцызных марак
У снежні мінулага года Аршанскім міжраённым аддзелам УДФР КГК па Віцебскай вобласці сумесна з супрацоўнікамі Аршанскага мытнага паста Віцебскай мытні на аўтадарозе "Брэст-Мінск-граніца Расійскай Федэрацыі" затрымалі аўтамашыну "Mercedes-Benz 518 CDI", на якой вадзіцель ААТ вёз па тэрыторыі нашай краіны з Маскоўскай вобласці 50000 пачак цыгарэт агульным коштам 860 млн. рублёў без акцызных марак Рэспублікі Беларусь.
За гэта парушэнне ў адносінах ААТ складзены адміністрацыйны пратакол па частцы 1 артыкула 12.23 Кодэкса Рэспублікі Беларусь аб адміністрацыйных правапарушэннях, які прадугледжвае адміністрацыйны штраф да 300 базавых велічынь з канфіскацыяй. Матэрыял накіраваны ў эканамічны суд Віцебскай вобласці.

рейтинг: 
Пакінуць каментар
иконка
Комментировать статьи на сайте возможно только в течении 360 дней со дня публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 28 января 2023
Вениамин, Гавриил, Герасим, Иван, Михаил, Павел, Прохор, Елена

Именины 27 января 2023
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Госці краін

free counters
Партнеры сайта