Авторизация
 

Новая форма работы

Новая форма работы 7 мая ў Полацкай сельскай выбарчай акрузе №24 адбылася сустрэча парламентарыяў М. Н. Волкава, Н. В. Гуйвік, В. П. Папко, А. В. Цацоха з ідэалагічным актывам, кіраўнікамі устаноў адукацыі і педагагічнымі работнікамі Верхнядзвінскага, Міёрскага, Расонскага і Полацкага раёнаў. Мяркуецца, што новая форма работы з выбаршчыкамі, якую ініцыіравалі самі дэпутаты, дазволіць значна пашырыць магчымасці інфармавання грамадзян аб заканадаўчым працэсе, важных падзеях унутранай і знешняй палітыкі, а таксама актывізаваць дыялог з грамадскасцю, пачуць прапановы грамадзян.

 

Дэпутат Васіль Парфёнавіч Папко правёў сустрэчу з работнікамі сферы адукацыі, сярод якіх былі дырэктары школ, завучы, маладыя настаўнікі і ідэалагічныя работнікі. Вось водгукі некаторых нашых педагогаў.

 

Ала Казіміраўна ЛАГУН, Туркоўская СШ: У цэнтры ўвагі сустрэчы былі пытанні адукацыі. Дэпутаты наглядна расказалі аб тым, як распрацоўваюцца і прымаюцца законы. Васіль Парфёнавіч прачытаў даклад аб іх дзейнасці. Вельмі цікава і пазнавальна вёў заняткі Міхаіл Волкаў. Ён расказаў, якія змяненні будуць унесены ў Кодэкс аб адукацыі (у прыватнасці, наконт занятасці дзяцей у суботу; працягласці вучэбнага года), прысутныя выказаліся аб размяшчэнні дзіцячых садоў на 1-м паверсе шматпавярховых дамоў; працягласці рабочага часу настаўніка, вялікай колькасці конкурсаў (РАНС і інш.). Дэпутат асвятліў пытанне аб адказнасці законных прадстаўнікоў школьніка за матэрыяльны ўрон, нанесены школе. Праведзена дыскусія на тэму "Ці прымаць дзяцей у 10-ы клас па сярэднім бале атэстата" і інш. Я лічу, што новая форма работы з насельніцтвам неабходная, даступная.

 

Міраслава Чаславаўна КРЫШТАЛЕВІЧ, СШ №2: Упершыню ўдзельнічала ў такой сустрэчы. Арганізацыя мерапрыемства дастойная. Цікава было паслухаць дэпутатаў. Мы не задавалі пытанняў, але ўсё тое, што цікавіла, даведаліся. Спадабаўся майстар-клас Міхаіла Волкава "Узаемадзеянне псіхолага-педагагічнай тэорыі і практыкі ў рабоце з адоранымі дзецьмі". Гэта эрудыраваны, граматны спецыяліст, які за сваю кар'еру выхаваў нямала пераможцаў рэспубліканскіх і міжнародных прадметных алімпіяд. І ўвогуле, сустрэча спадабалася. Дэпутаты выступілі зразумела і змястоўна.

 

Валянціна Генадзьеўна АТРОШКА, СШ №3: Мы адзначылі новую форму работы дэпутатаў, лічу, што гэта вельмі актуальна. Даведаліся, чым займаюцца дэпутаты ў канікулярны перыяд. Запаўнялі анкеты у рамках маніторынгу ўкаранення Кодэкса аб адукацыі. Кожны выбіраў для сябе прымальныя варыянты, якія могуць быць прыменены ў нашых умовах. Юрыст Наталля Гуйвік асвятліла пытанне, як нараджаюцца законы. Пазнавальна было прасочваць працэдуру, як праект ператвараецца ў закон. Некаторыя прымаюцца ў першым чытанні, іншым патрэбна другое, а потым яшчэ і дапрацоўкі… Вялікі дзякуй дэпутатам за магчымасць прайсці майстар-клас Міхаіла Волкава. У яго свая напрацаваная методыка работы, сваё бачанне праблемы. Педагог расказаў, як ён бачыць урок і яго этапы. Я лічу, што зацікаўленыя знайшлі рацыянальнае зерне ў сустрэчы. Такія мерапрыемствы праводзіліся і раней, гэта былі лекцыі, якія чыталі Ільін, Кітайгародская, Шаталаў. Вельмі патрэбная форма работы.

 

Васіль Папко з Аляксандрам Цацохам — старшынёй Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы—наведаў бальніцу.

— Асаблівую важнасць для нас уяўляе будаўніцтва новай цэнтральнай бальніцы ў Міёрах, паколькі аддзяленні бальніцы знаходзяцца ў малапрыстасаваных памяшканнях, што не адказвае сучасным патрабаванням медыцынскага абслугоўвання, — адзначыў Аляксандр Цацоха.

Не менш важнай задачай было азнаямленне медыкаў у рэгіёнах з законапраектам па фізічнай культуры і спорце, які ўжо прыняты ў першым чытанні. Дэпутат падкрэсліў, што ён тычыцца не толькі прафесійнага спорту, але і фізкультуры, а значыць, здаровага ладу жыцця.

 

У Наваполацку прайшло ўшанаванне ветэранаў Вялікай Айчыннай вайны з удзелам вядомага спартсмена і дэпутата Вадзіма Дзевятоўскага.

Дэпутаты адзначылі, што такая форма работы вельмі важная менавіта тым, што ў ёй удзельнічаюць члены розных камісій, і насельніцтва можа атрымаць інфармацыю адразу па некалькіх накірунках ад тых людзей, якія прымаюць законы.

На здымку: у час наведвання дэпутатамі Палаты прадстаўнікоў Нацыянальнага сходу Рэспублікі Беларусь будаўніцтва новай цэнтральнай раённай бальніцы ў Міёрах. 

Алена ВАРОНІНА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 530
  • 0

Злавілі рыбку, ды… залатую

  • 28 февраль 2011, 16:16
  • 93 109
  • 0

Інвестыцыйны форум

  • 23 сентябрь 2011, 10:05
  • 90 149
  • 1

  • 11 февраль 2011, 11:20
  • 43 252
  • 0

Пераброддзе 2012. Погляд вучонага

  • 31 август 2012, 15:19
  • 42 668
  • 0

Кандыдатамі жадаюць стаць

  • 21 август 2012, 15:30
  • 36 714
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 817
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 31 октября 2020
Андрей, Гавриил, Давид, Иван, Иосиф, Николай, Сергей, Юлиан, Елизавета, Семен

Именины 30 октября 2020
Александр, Анатолий, Андрей, Антон, Иосиф, Кузьма, Леонтий, Сергей

Госці краін

free counters
Партнеры сайта