Авторизация
 

Дзяржкантроль: "Падзешавее вываз смецця"

 У асобных раёнах Віцебскай вобласці змен- шаць нарматывы ўтварэння камунальных адходаў па жыллёвым фондзе, зыходзячы з якіх налічваецца плата за вываз смецця. Яна ў сваю чаргу залежыць ад субсідзіраваных тарыфаў для насельніцтва згодна з нарматывам утварэння цвёрдых камунальных адходаў, які ўстаноўлены мясцовымі выканаўчымі і распарадчымі органамі.

ПА патрабаваннях заканадаўства нарматывы выкарыстоўваюцца пры выбары сістэмы збору, вызначэнні колькасці кантэйнераў, распрацоўцы транспартных схем вывазу, разліку лімітаў размяшчэння адходаў вытворчасці, якія ўваходзяць у склад камунальных адходаў. Таксама на іх аснове разлічваюць кошт паслуг па вывазе камунальна-бытавых адходаў арганізацыямі жыллёва-камунальнай гаспадаркі.


У камітэт Дзяржкантролю вобласці звярнуўся жыхар Лепельшчыны. Сумняваўся, ці правільна вызначаюць кошт паслугі. Выяўлена, што ўстаноўленыя Лепельскім райвыканкамам нарматывы ўтварэння цвёрдых камунальных адходаў перавышаюць нарматывы ў іншых рэгіёнах Віцебшчыны.


Лепельскаму і шэрагу іншых райвыканкамаў вобласці, дзе знойдзены аналагічныя парушэнні, прапанавалі правесці натуральныя замеры, каб вызначыць фактычны аб’ём утварэння камунальных адходаў.


Цяпер у Лепельскім райвыканкаме карэкціруюць устаноўлены ў 2016 годзе нарматыў. Па добраўпарадкаваным жылым фондзе яго зніжаюць з 2,2 м3 да 2,1, па нядобраўпарадкаваным – з 2,3 да 1,9 м3 у год на чалавека.


У бліжэйшы час у Шумілінскім раёне таксама зменшаць дадзены нарматыў. З 2011 года ён быў адзіным для добраўпарадкаванага і нядобраўпарадкаванага жыллёвага фонду (2,22 м3), цяпер – 1,916 м3 і 2,184 м3 адпаведна. Работа працягваецца ў іншых раёнах вобласці. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 8 мая 2021
Василий, Марк, Сергей

Именины 7 мая 2021
Алексей, Валентин, Иннокентий, Иосиф, Леонтий, Николай, Сергей, Елизавета

Госці краін

free counters
Партнеры сайта