Авторизация
 

Дзяржкантроль інфармуе: пустое жыллё — для маючых патрэбу

 Згодна са статыстыкай, у Віцебскай вобласці больш за 900 незаселеных жылых дамоў і кватэр. Многія з іх фактычна без нагляду, прыйшлі ў непрыдатны стан. Аднак шматлікія можна адрамантаваць і прадаставіць маючым патрэбу. 

НАПРЫКЛАД, у вёсцы Андрэеўшчына (тры кіламетры ад Оршы, з паслугамі гарадскога транспарта) у доме па вуліцы Воінскай, д.2 (1961 года пабудовы, двухпавярховы, цагляны, агульная плошча 635 кв.м.), з 2013 года пустуюць восем з шаснаццаці кватэр (другі пад’езд). Пры Андрэеўшчынскім сельсавеце на ўліку 52 маючыя патрэбу грамадзяніны, гатовыя засяліцца ва ўказанае жыллё пры наяўнасці ўмоў для пражывання. Аднак УП “Оршакамгас” меры не прымае.


У Лепельскім райвыканкаме і сельвыканкамах на ўліку больш за 1300 грамадзян, якія маюць патрэбу ў паляпшэнні жыллёвых умоў, пры гэтым на тэрыторыі раёна каля 250 незаселеных жылых памяшканняў дзяржаўнага жыллёвага фонду (з іх 240 пустуюць звыш года, а некаторыя — пяць і больш).


Толькі ў Горскім сельсавеце на ўліку маючых патрэбу 156 чалавек, а ў ваенным гарадку Заслонава не занята 61 кватэра, дзе патрэбны бягучы рамонт. А пасля можна выкарыстаць у якасці камерцыйнага жылля ці ў рамках Указа ад 13 чэрвеня 2018 года №237 “Аб распараджэнні дзяржаўным жыллёвым фондам” прадаць маючым патрэбу грамадзянам. Аднак работу ў гэтым накірунку райвыканкам не арганізаваў належным чынам. Варта адзначыць, што пустыя кватэры, пра якія ідзе размова, размешчаны ў незаселеных дамах, маюць усе камунікацыі і зручнасці, вялікія па плошчы. Нязначныя сродкі для рамонту ў параўнанні з будаўніцтвам новага жылля могуць ператварыць іх ва ўтульныя апартаменты.


Камітэт вобласці прапанаваў гаррайвыканкамам актывізаваць работу па прадастаўленні незаселенага (пустуючага) дзяржаўнага жыллёвага фонду (уключаючы давядзенне адпаведнай інфармацыі ў глабальныя камп’ютарныя сеткі Інтэрнэт, праз сродкі масавай інфармацыі, а таксама іншымі спосабамі), знайсці магчымасць аказаць падтрымку грамадзянам і правесці рамонт уласнымі сіламі, абмежаваць доступ чужых асоб у пустыя дамы, кватэры і забяспечыць іх захаванасць. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 14 апреля 2021
Ефим, Иван, Макар, Сергей, Мария

Именины 13 апреля 2021
Вениамин, Иван, Иннокентий, Иосиф, Анна

Госці краін

free counters
Партнеры сайта