Авторизация
 

Адбылося пасяджэнне па падрыхтоўцы да святкавання Перамогі

 На мінулым тыдні адбылося першае пасяджэнне абласнога арганізацыйнага камітэта па падрыхтоўцы і правядзенні святкавання 75-й гадавіны вызвалення Рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай Айчыннай вайне. Падобныя структуры створаны ў кожным раёне. 

Відавочцаў тых страшных падзей з кожным годам усё менш. Зараз на тэрыторыі вобласці налічваецца 1021 чалавек, з іх 542 — удзельнікі і інваліды вайны, 243 — узнагароджаныя медалямі за самаадданую працу, 3575 былых вязняў. Імкліва радзеюць рады афганцаў: два гады таму налічвалася 5 тысяч, а сёння — 2900. Кожны з гэтых людзей варты ўвагі і клопату. Старшыня абласнога Савета дэпутатаў Уладзімір Цярэнцьеў нагадаў, што неабходна ў чарговы раз праверыць сацыяльна-бытавыя ўмовы іх пражывання, правесці медыцынскі агляд, хто мае патрэбу — накіраваць на санаторна-курортнае лячэнне.


Работа ў гэтым накірунку не прыпынялася, адказныя службы і ведамствы прыходзяць на дапамогу ў любую хвіліну. Пра гэта праінфармавалі старшыня камітэта па працы, занятасці і сацыяльнай абароне аблвыканкама Аляксандр Хрыстафораў, намеснік начальніка галоўнага ўпраўлення па ахове здароўя Людміла Кавалёва.


Працягваецца даследчая дзейнасць па ўвекавечанні памяці і ўстанаўленні імён загінуўшых у гады Вялікай Айчыннай вайны. Летась іх выявілі каля тысячы. Па-ранейшаму актуальныя цімураўскія і валанцёрскія справы сярод юных, падлеткаў і моладзі.


Указам прэзідэнта №408 вызначаны задачы па ўвекавечанні памяці паўшых пры абароне Айчыны і захаванні памяці аб ахвярах вайны, добраўпарадкаванні воінскіх пахаванняў і мемарыялаў, помнікаў. Асабліва важная ў юбілейны год работа з электроннай базай дадзеных па пошуку загінуўшых. Летась зверылі больш за 10 тысяч прозвішчаў. А за ўвесь перыяд дзеяння электроннай базы — восем гадоў — выявілі звыш 30 тысяч дадзеных пра чырвонаармейцаў, прозвішчы якіх раней не значыліся ў спісах. Складзена падрабязная картатэка на 154 тысячы загінуўшых воінаў і 41 тысячу землякоў. Дадзеныя пра барацьбітоў, якія загінулі на тэрыторыі Віцебшчыны, без вестак прапаўшых, удзельнікаў партызанскага руху, жыхароў, знішчаных фашыстамі, збіраюцца і цяпер.


Як ідзе падрыхтоўка да юбілейнай даты, дэталёва разгледзяць на сесіі абласнога Савета дэпутатаў.

Фота для ілюстрацыі.
Наталія СТАНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта