Авторизация
 

Надбаўкі — у межах дазволенага, а пра падаткі ведаць усё

 Надбаўкі — у межах дазволенага

Актуальным пытаннем у сферы будаўніцтва застаецца эфектыўнае выкарыстанне сродкаў бюджэту, у тым ліку за кошт змяншэння цаны будаўніцтва і выкаранення фактаў нядобрасумленнага пасрэдніцтва пры закупках. 

З 1.02.2015 г. ўступіла ў сілу пастанова ад 30.06.2014 г. №33 “Аб некаторых пытаннях урэгулявання адпускных цэн на будаўнічыя матэрыялы, вырабы, канструкцыі”. Нормы яе накіраваны на стымуляванне заказчыкаў і падрадчыкаў да набыцця матэрыялаў, вырабаў, канструкцый за кошт сродкаў бюджэту і пазабюджэтных фондаў, непасрэдна ў вытворцаў і прамых імпарцёраў, і ўстанаўленне максімальна магчымых надбавак да адпускных цэн.


Напрыклад, надбаўка на айчынныя матэрыялы не павінна перавышаць 20% ад планавага сабекошту, аптовая да цэн на іх абмежавана да 10% незалежна ад колькасці пасрэднікаў. Пры фарміраванні кошту ўвезеных імпартных матэрыялаў на будаўніцтва, якое фінансуецца з бюджэту, межавая надбаўка не павінна перавышаць 10%.


Пры праверцы выяўлена, што адно з дзяржаўных будаўнічых прадпрыемстваў набыло матэрыялы для рамонту футбольнага поля дзіцячай спартыўнай школы па беспадстаўна завышаных цэнах. Згодна з зацверджанай праектна-каштарыснай дакументацыяй заказчыку патрабавалася купіць штучнае пакрыццё коштам у 234,2 тысяч рублёў. Выбраны па выніках працэдуры закупак пастаўшчык прывёз яго з-за мяжы, у цану ўключыў не прадугледжаныя заканадаўствам расходы (на аплату працы, адміністрацыйна-гаспадарчыя) у памеры 20% ад кантрактнай цаны, а таксама рэнтабельнасць, якая па асобных пазіцыях даходзіла да 68%, у выніку чаго надбаўка склала ад 11,5% да 94%.


Пастаўшчыку аплацілі расходы са сродкаў бюджэту, не прадугледжаныя да вяртання і не належачыя ўключэнню ў цану, у 25,9 тысяч рублёў. Тым самым нанеслі шкоду дзяржаўнай маёмасці.


Па патрабаванні Камітэта дзяржкантролю зроблены пераразлік і пастаўшчык паэтапна вяртае ў бюджэт незаконна атрыманыя грашовыя сродкі, а заказчык занатаваў у службовых інструкцыях адказных асоб абавязак кантраляваць адпаведнасць цэн згодна заканадаўству.
Праверкі выявілі і парушэнні бухгалтарскага ўліку затрат пры мадэрнізацыі аб’ектаў будаўніцтва. 

Службовы падлог

У рамках кантрольных мерапрыемстваў выяўлена завышэнне дадзеных справаздачнасці аб аб’ёмах вырабленай у лістападзе летась прадукцыі на адным з прамысловых прадпрыемстваў Оршы.

З мэтай прыхарошыць фактычнае становішча спраў у аб’ём вытворчасці ўключылі прадукцыю, якая фактычна не выраблялася. Спісалі 1641,7 кілаграм металу, які пры гэтым не выкарыстоўваўся. Работнікі прадпрыемства атрымалі незаслужаную прэмію і прадставілі справаздачу з несапраўднымі статыстычнымі дадзенымі.


Вінаватыя прыцягнуты да дысцыплінарнай адказнасці, спагнана прэмія, вернуты спісаны метал. Аршанскі міжраённы аддзел Следчага камітэта ўзбудзіў крымінальную справу ў адносінах двух службовых асоб прадпрыемства па часці 2 арт.427 Крымінальнага кодэкса (службовы падлог). 

Пра падаткі ведаць усё

Маніторынг сельгаспрадпрыемстваў наконт уплаты падатку на дабаўленую вартасць паказаў, што не ўсюды дакладна ведаюць падатковае
заканадаўства, у нестандартных сітуацыях дапускаюць памылкі. 

Устаноўлена, што пры набыцці тэхнікі ў лізінг падатак на дабаўленую вартасць па атрыманых асноўных сродках прымаўся на вылічванне і памяншаў плацяжы ў бюджэт, пры тым частка запазычанасці пагашана ў рамках фінансавання арганізацый па Дзяржаўнай праграме развіцця аграрнага бізнесу.


Згодна з Падатковым кодэксам пры разліку за набытыя матэрыяльныя каштоўнасці за бюджэтныя сродкі ў арганізацыі няма права прымяняць вылік у часці падатку на дабаўленую вартасць. Злую ролю сыграла дрэнная інфармаванасць. Бухгалтары нават не ведалі пра неабходнасць удакладніць дадзеныя бухгалтарскага ўліку і падатковых абавязацельстваў пры разліку за тавары з бюджэту.


Камітэт дазволіў арганізацыям без штрафных санкцый выправіць памылкі і даплаціць. У выніку ў бюджэт дадаткова паступіла 840 тысяч рублёў падатку на дабаўленую вартасць. На 1,3 мільёна паменшана сума, заяўленая да вяртання з бюджэту ў сувязі з прымяненнем паніжанай стаўкі пры рэалізацыі сельгаспрадукцыі. 

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 537
  • 0

Інвестыцыйны форум

  • 23 сентябрь 2011, 10:05
  • 55 891
  • 1

Пераброддзе 2012. Погляд вучонага

  • 31 август 2012, 15:19
  • 24 660
  • 0

Кандыдатамі жадаюць стаць

  • 21 август 2012, 15:30
  • 24 388
  • 0

  • 11 февраль 2011, 11:20
  • 23 518
  • 0

Злавілі рыбку, ды… залатую

  • 28 февраль 2011, 16:16
  • 20 987
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 535
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 июня 2018
Василий, Константин, Павел, Федор, Ефрем

Именины 20 июня 2018
Александр, Богдан, Борис, Валентин, Василий, Вениамин, Виктор, Владимир, Григорий, Давид, Иван, Игнатий, Лев, Максим, Михаил, Николай, Павел, Петр, Степан, Тарас, Федор, Федот, Анна, Валерия, Зинаида, Калерия, Мария, Афанасий

Госці краін
free counters
Партнеры сайта