Авторизация
 

Гандаль па правілах і сродкі па прызначэнні — на рамонт

 Згодна з нормамі жыллёвага заканадаўства, разам з жыхарамі шматкватэрных дамоў плаціць за паслугі абавязаны і ўласнікі нежылых памяшканняў у гэтых дамах. Уносіцца плата з дня ўзнікнення права ўласнасці адпаведна дагавораў на аказанне жыллёва-камунальных паслуг.

Аднак у Віцебску далёка не ўсе пасля рэгістрацыі права ўласнасці звярталіся ў арганізацыі ЖКГ, каб заключыць дагаворы на аказанне паслуг. Як вынік, не кампенсавалі затраты на ўтрыманне, эксплуатацыю і бягучы рамонт шматкватэрнага жылога дома, расходы на электраэнергію, спажытую на асвятленне дапаможных памяшканняў і работу абсталявання, у тым ліку ліфтаў, не адлічваліся сродкі на капітальны рамонт, не аплачваліся паслугі па санітарным утрыманні дапаможных памяшканняў, водазабеспячэнні, водаадвядзенні, цеплазабеспячэнні, не кампенсаваўся зямельны падатак. Такіх фактаў больш за 30.


З асобнымі ўласнікамі дагаворы на аказанне жыллёва-камунальных паслуг заключаліся праз гады пасля набыцця нежылых памяшканняў ці на меншую за пазначаную ў тэхнічных пашпартах плошчу.


Камітэт вобласці сумесна з органамі ўнутраных спраў дадуць прававую ацэнку дзеянням ці бяздзеянню работнікаў жыллёва-камунальнай гаспадаркі. Адмова заключаць дагавор не вызваляе ад абавязку плаціць за фактычна аказаныя асноўныя паслугі. Несвоечасова ці не ў поўным аб’ёме пагашаная сума налічвае пеню ва ўстаноўленым заканадаўствам памеры.


Сродкі па прызначэнні — на рамонт

З улікам шматлікіх зваротаў грамадзян прааналізавана выкананне патрабаванняў заканадаўства пры выкарыстанні арганізацыямі ЖКГ адлічэнняў жыхароў на капітальны
рамонт дамоў.

Да 2016 года заканадаўствам дапускалася ўнесеныя плацельшчыкамі жыллёва-камунальных паслуг сродкі акумуляваць на рахунках арганізацый, якія эксплуатуюць жыллёвы фонд ці прадастаўляюць паслугі. З 27 сакавіка 2016 года адлічэнні на капітальны рамонт належаць акумуляванню на спецыяльных рахунках, якія адкрываюць мясцовыя выканаўчыя і распарадчыя органы. Аднак у шматлікіх раёнах вобласці дапускалася выкарыстанне сродкаў не па прызначэнні.


Напрыклад, Верхнядзвінская ЖКГ звыш 240 тысяч рублёў адлічэнняў жыхароў выкарыстала на папаўненне уласных абаротных сродкаў, пагашэнне запазычанасці па падатках. У Міёрскім раёне жыллёва-камунальная гаспадарка звыш 63 тысяч рублёў накіравала на пагашэнне доўгу за электраэнергію. Падобныя факты выяўляліся і ў іншых раёнах.


Прыняты меры па выплаце выкарыстаных не па мэтавым прызначэнні сродкаў, прызначаных на капітальны рамонт. Пытанне застаецца на кантролі.


Гандаль па правілах

Пры праверках 13-14 сакавіка чатырох стацыянарных гандлёвых аб’ектаў і трох аўтамагазінаў, якія размешчаны ў Аршанскім раёне, зафіксаваны факты невыканання зацверджаных асартыментных пералікаў.

Не забяспечваліся неабходныя тэмпературныя ўмовы захоўвання і таварнае суседства харчовых прадуктаў, да пакупнікоў не ў поўнай меры даведзена неабходная інфармацыя пра тавары, выяўлены з мінулым тэрмінам прыдатнасці.


У аўтамагазіне не было належна аформленных цэннікаў, хлеб рэалізоўваўся без упаковачных матэрыялаў. Дрэнна выконваліся графікі руху аўтамагазінаў. Акрамя гэтага, двойчы не разгледжаны запісы, унесеныя ў кнігу заўваг і прапаноў, пра дрэннае гандлёвае абслугоўванне.
Шэраг парушэнняў выяўлена і ў ходзе абследавання магазіна ў Віцебску: у продажы знаходзіліся шэсць найменняў тавараў з мінулым тэрмінам прыдатнасці, не выконваліся тэмпературныя рэжымы захоўвання рыбных тавараў, на складзе добраякасныя прадукты суседнічалі з сапсаванымі.


Па выніках кантрольных мерапрыемстваў прыняты меры па ліквідацыі выяўленых парушэнняў, вінаватыя прыцягнуты да адказнасці. Для папярэджання падобных выпадкаў у іншых гандлёвых аб’ектах вобласці ў пятніцу, 13 красавіка, Камітэт дзяржкантролю вобласці праводзіць “гарачую лінію” па нумары 42 54 53. З 10.00 да 12.00 будуць прымацца паведамленні наконт парушэнняў правіл гандлю. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта