Авторизация
 

"Гарачая лінія" — у дапамогу

 "Гарачая лінія" — у дапамогу
З 1 студзеня ўступілі ў сілу змяненні ва Указ ад 16.10.2009 года №510 "Аб удасканаленні кантрольнай (нагляднай) дзейнасці", накіраваныя на мінімізацыю ўмяшальніцтва кантралёраў у гаспадарчую дзейнасць суб'ектаў прадпрымальніцкай дзейнасці і змяшчэнне акцэнтаў у рабоце правяраючых органаў з праверкі на прафілактыку. Кантроль за выкананнем Указа ўскладзены на Камітэт дзяржаўнага кантролю, нагляд — на Генеральнага пракурора і падпарадкаваных яму пракурораў.

З уступленнем у сілу новаўвядзенняў павялічылася адказнасць службовых асоб кантрольных і наглядных органаў за грубыя парушэнні пры правядзенні праверкі. Да іх аднесены: парушэнні тэрміну праверкі; неўнясенне запіса аб яе правядзенні ў кнігу ўліку; адсутнасць падстаў прызначэння праверкі; праверка пытанняў, якія не адносяцца да кампетэнцыі правяраючага органа; патрабаванне дакументаў і (ці) інфармацыі, калі яны не ўказаны ў прадпісанні; непрадастаўленне суб'екту гаспадарання ва ўстаноўлены тэрмін выніковага дакумента; адбор проб і ўзораў у колькасці, якія перавышаюць устаноўленыя заканадаўствам нормы, неабходныя для правядзення даследаванняў, выпрабаванняў, экспертыз і тэхнічных аглядаў.


Для папярэджання парушэнняў пры ажыццяўленні кантролю і нагляду за дзейнасцю суб'ектаў і аналізу практыкі выканання Указа №510 (з улікам новаўвядзенняў) у Камітэце дзяржаўнага кантролю Віцебскай вобласці з 19.01.2018 года пачынае працаваць пастаянная "гарачая лінія".
Звярнуцца па пытаннях дзеяння службовых асоб кантралюючых (наглядных) органаў, паведаміць пра парушэнні патрабаванняў Указа №510 можна на працягу першага паўгоддзя 2018 года па тэлефонах "гарачай лініі" Камітэта дзяржаўнага кантролю Віцебскай вобласці 8 (0212) 42 61 95, 42 61 49.
Званкі прымаюцца ў рабочыя дні з 9.00 да 18.00 (перапынак з 13.00 да 14.00).

Вадой карысталіся, плацілі не ўсе
На выязным прыёме грамадзян у Балбасаўскім пасялковым выканкаме, які праводзіў старшыня Камітэта дзяржкантролю Віцебскай вобласці Вадзім Заранкін, паступіў калектыўны зварот. Грамадзяне катэгарычна не згодныя з сумамі аплаты за гарачае водазабеспячэнне, асабліва за жнівень 2017 года. Сапраўды, па асобных кватэрах плацілі ад 22 да 38 рублёў, а ў іншым аналагічным доме не больш за пяць рублёў. У чым прычына такіх разыходжанняў, у ходзе прыёму мясцовыя камунальнікі патлумачыць не змаглі. Камітэт дзяржкантролю разам з Упраўленнем ЖКГ Віцебскай вобласці разабраліся, вынік нечаканы.


Плата за гарачае водазабеспячэнне (падагрэў вады) вылічваецца, зыходзячы з фактычнага спажывання ў натуральным выражэнні па дадзеных прыбораў індывідуальнага ўліку цеплавой энергіі, выкарыстанай на падагрэў,—на падставе прыбора групавога ўліку, а таксама тарыфаў на камунальныя паслугі, устаноўленых адпаведна заканадаўчым актам.
Ёсць меркаванне, што грамадзяне аплачваюць фактычнае спажыванне вады (куб.м), зыхо-дзячы з паказанняў індывідуальнага прыбора ўліку гарачага водазабеспячэння.


Зыходзячы з паказанняў групавога прыбора ўліку спажывання цеплавой энергіі на падагрэў вады (Гкал) і звестак аб аб'ёмах спажывання гарачай вады грамадзянамі (куб. м) фарміруецца паказчык расходу цеплавой энергіі на падагрэў кубаметра вады, які памнажаецца на колькасць спажытых у кватэры кубаметраў і ўстаноўлены тарыф. Атрыманая сума і належыць аплаце.


Аднак дадзеная формула ў пэўных дамах не працавала. Паказчык расходу цеплавой энергіі на падагрэў аднаго кубаметра вады за жнівень 2017 года ў разы перавышаў устаноўлены Аршанскім райвыканкамам нарматыў па жылых дамах, не абсталяваных прыборамі групавога ўліку расходу цеплавой энергіі, і дасягаў 0,2426 Гкал/куб.м і 0,2512 Гкал/куб.м пры ўстаноўленым 0,0670 Гкал/куб.м.
Падчас разбіральніцтва выяўлена: тэмпература цепланосьбіта была ў нарматыўных значэннях, а гэта выключае залішні нагрэў вады. Прыборы правераны і прыняты да камерцыйнага ўліку, значыць, скажэння дадзеных не дапушчана.


З улікам, што паказчык расходу цеплавой энергіі на падагрэў кубаметра вады напрамую залежыць ад спажытых і аплачаных жыхарамі ўсяго дома кубаметраў, праведзена пазапланавая зверка паказанняў прыбораў індывідуальнага ўліку расходу вады. Аказалася, не ўсе жыхары разлічваліся ў поўным аб'ёме за спажытую ваду. У сувязі з пераразлікам плацяжы ў тры разы знізіліся ў адных і значна выраслі ў тых, хто не даплачваў. 

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 83 518
  • 0

Інвестыцыйны форум

  • 23 сентябрь 2011, 10:05
  • 49 423
  • 1

Кандыдатамі жадаюць стаць

  • 21 август 2012, 15:30
  • 21 829
  • 0

Пераброддзе 2012. Погляд вучонага

  • 31 август 2012, 15:19
  • 21 141
  • 0

  • 11 февраль 2011, 11:20
  • 20 018
  • 0

Злавілі рыбку, ды… залатую

  • 28 февраль 2011, 16:16
  • 18 835
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 644
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 19 февраля 2018
Александр, Анатолий, Арсений, Василий, Дмитрий, Иван, Максим, Севастьян, Юлиан, Кристина, Мария, Марфа

Именины 18 февраля 2018
Антон, Макар, Михаил, Александра, Василиса

Госці краін
free counters
Партнеры сайта