Авторизация
 

Дзяржкантроль інфармуе

 Праведзены ў ІІІ квартале аналіз дзейнасці кантралюючых і назіральных органаў паказаў, што захоўваецца ўстойлівая тэндэнцыя зніжэння колькасці праверак у вобласці. 

Усяго за мінулы перыяд бягучага года (па стане на 20 верасня) праведзена 5740 праверак, за аналагічны перыяд летась у 1,8 раза больш—10170. Пры гэтым сёлета ўдвая паменела пазапланавых.


У 2015-2016 гадах праводзілася шмат праверак адпаведна Указу №510 ад 16.10.2009 года, патрабаванні якога—кантроль за выпраўленнем выяўленых раней парушэнняў. Як правіла, суб'екты ў поўнай меры і неадкладна рэагавалі на заўвагі і прадпісанні. У выніку кантрольныя праверкі скараціліся. Калі ў 2016 го-дзе іх праведзена каля тысячы, сёлета—усяго 220. Менее і планавых праверак.


На 15 чэрвеня сёлета першапачатковы каардынацыйны план кантрольнай (назіральнай) дзейнасці на другое паўгоддзе ў вобласці ўключаў 1220 праверак, удакладнены на 15 верасня—1103. Найбольшая колькасць выключэнняў, у тым ліку па прапанове Камітэта дзяржкантролю, адпаведна дадатковага аналізу дзейнасці правяраемых суб'ектаў і з улікам рэарганізацыі і аптымізацыі колькасці работнікаў.


Выкананне заканадаўства, якое рэгулюе кантрольную і назіральную дзейнасць, застаецца на пастаянным кантролі. На бліжэйшы перыяд запланаваны сумесныя з пракуратурай вобласці мерапрыемствы па гэтых пытаннях.


Студэнцкія атрады і парушэнні
Выяўлены парушэнні заканадаўства пры арганізацыі дзейнасці студэнцкіх атрадаў.
Асобныя ўстановы, якія заключылі дагаворы на далучэнне студэнцкіх атрадаў да сельгасработ, з прыбыткаў іх удзельнікаў не ўплачвалі абавязковыя страхавыя ўзносы ў фонд сацыяльнай абароны насельніцтва. Устаноўлены факты нямэтавага расходвання сродкаў, якія вызваляліся пры карыстанні льготамі па разліках з бюджэтам, на развіццё дзейнасці студэнцкіх атрадаў.
Былі выпадкі, калі ў склад атрада ўключалі штатнага работніка арганізацыі, ці аднаго і таго ж удзельніка ў некалькі атрадаў адначасова. Выяўлена, што па заключаным з арганізацыяй дагаворы належыла сфарміраваць атрад з дзесяці чалавек для далучэння новых абанентаў інтэрнэт-правайдараў, аднак у рэальнасці ён не існаваў і работы не выконваліся.


Дапушчаныя парушэнні сталі наступствам дрэннага кантролю з боку абласнога камітэта ГА "БРСМ", якому прапанавана прыняць дадатковыя меры пры фарміраванні і дзейнасці студэнцкіх атрадаў. Давядзецца вярнуць у бюджэт незаконна затрачаныя сродкі.


Зямля патрабуе гаспадара
Па-ранейшаму выяўляюцца факты парушэння заканадаўства аб зямлі.
У ходзе кантрольных мерапрыемстваў, праведзеных у Полацкім раёне, устаноўлена, што старшыня аднаго з сельвыканкамаў прадаставіў няпоўную і непраўдзівую інфармацыю аб наяўнасці свабодных зямельных участкаў, якімі могуць скарыстацца грамадзяне для будаўніцтва і абслугоўвання аднакватэрных, блакіраваных жылых дамоў. Тым самым парушана выкананне Указа №667.


Варта адзначыць, што прыдатныя для выкарыстання надзелы размешчаны за два кіламетры ад Полацка і Наваполацка, што немалаважна для патэнцыйных забудоўшчыкаў. У дачыненні да старшыні сельвыканкама выкарыстана адміністрацыйная адказнасць.


Камітэт дзяржкантролю звяртае ўвагу, што рацыянальнае распараджэнне землямі, прызначанымі для будаўніцтва і абслугоўвання жылых дамоў, калектыўнага садоўніцтва, дачнага будаўніцтва, акрамя іншага мае сацыяльную накіраванасць, у сувязі з тым патрабуе безумоўнага і дакладнага выканання заканадаўства.
Для папярэджання падобнай сітуацыі кантрольныя мерапрыемствы будуць працягвацца.


У кнігу ўліку неабходны запіс
Суб'екты гаспадарання, якія пачынаюць весці бізнес, найперш павінны набыць і зарэгістраваць у падатковым органе кнігу ўліку праверак. У ёй супрацоўнікі кантрольных і назіральных органаў абавязаны пацвярджаць факты сваіх візітаў. Гэта ў першую чаргу накіравана на абарону правоў суб'ектаў гаспадарання ад незаконных умяшальніцтваў у дзейнасць.


Варта нагадаць, што форма кнігі, правілы вядзення зацверджаны пастановай Савета Міністраў ад 18.03.2010г. №383 "Аб некаторых мерах па рэалізацыі Указа ад 16.10.2009г. №510". Адпаведна Палажэння аб парадку арганізацыі і правядзення праверак, зацверджанага Указам №510 "Аб удасканаленні кантрольнай (назіральнай) дзейнасці ў Рэспубліцы Беларусь", правяраючыя абавязаны ўнесці пэўныя звесткі перад пачатакам праверкі. Аднак ёсць шэраг выключэнняў.


Напрыклад, пры праверцы метадам кантрольнай закупкі тавара-матэрыяльных каштоўнасцей ці кантрольнага афармлення заказаў на выкананне работ, запіс у кнігу ўліку праверак абавязаны зрабіць пасля. Не ўносяцца і звесткі пра правядзенне маніторынгу, а таксама пра тыя праверкі, на якія не распаўсюджваюцца патрабаванні Указа №510. Напрыклад, праверкі дзяржаўных органаў; мерапрыемствы пры разглядзе зваротаў грамадзян, індывідуальных прадпрымальнікаў і юрыдычных асоб; неабходныя для падрыхтоўкі да масавых мерапрыемстваў; пры ліквідацыі юрыдычных асоб і індывідуальных прадпрымальнікаў; мерапрыемствы па выяўленні маёмасці і дэбітораў плацельшчыка і інш.


Камітэт дзяржкантролю Віцебскай вобласці пастаянна аналізуе кнігі ўліку праверак суб'ектаў вобласці. За дапушчаныя парушэнні ў бягучым годзе да дысцыплінарнай і матэрыяльнай адказнасці прыцягнуты 11 работнікаў. Нагадваем, што неўнясенне запісу аб праверцы ў кнігу ўліку пры ўмове, што яна была прадстаўлена, пагражае штрафам ад дваццаці да ста базавых велічынь. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 261
  • 0

Інвестыцыйны форум

  • 23 сентябрь 2011, 10:05
  • 68 176
  • 1

Пераброддзе 2012. Погляд вучонага

  • 31 август 2012, 15:19
  • 34 479
  • 0

  • 11 февраль 2011, 11:20
  • 33 224
  • 0

Кандыдатамі жадаюць стаць

  • 21 август 2012, 15:30
  • 32 255
  • 0

Злавілі рыбку, ды… залатую

  • 28 февраль 2011, 16:16
  • 30 283
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 271
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 ноября 2018
Константин

Именины 14 ноября 2018
Адриан, Александр, Давид, Денис, Дмитрий, Иван, Кузьма, Петр, Сергей, Федор, Елизавета, Яков, Ульяна

Госці краін
free counters
Партнеры сайта