Авторизация
 

Калі дзённік змяняе заліковая кніжка

Если дневник заменяет зачетная книжка Працяглыя пары і кароткія перапынкі, строгія выкладчыкі і шумныя аднагрупнікі, недахоп сну і празмернасць уражанняў, жаданае "залічана" і запаветнае "вам — "аўтаматам" — вось яны, складнікі авеянага рамантыкай студэнцкага жыцця. Для выпускніцы Сіцькоўскай сярэдняй школы Вольгі Балаш усё вышэйпералічанае стала рэальнасцю з верасня мінулага года. Дзяўчына паступіла ў Полацкі дзяржуніверсітэт на факультэт інфармацыйных тэхналогій, прычым, на бюджэтную форму навучання.

 

— Здаецца, толькі скончыўся выпускны баль, а ты ўжо быццам у іншы свет трапіла, — расказвае былая школьніца пра першыя студэнцкія ўражанні. — Напачатку складана было прывыкнуць да новых умоў жыцця і вучобы. Дадому хацелася, па школе сумавала. Думала, што першую сесію здаць не змагу. 
Толькі перажыванні тыя аказаліся дарэмнымі. Усе чатыры экзамены здадзены паспяхова. Па прадметах "вышэйшая матэматыка" і "дыскрэтная матэматыка" па "8" балаў атрымала "аўтаматам", таксама на "8"-ку здала праграмаванне, на бал ніжэй справілася з філасофіяй і псіхалогіяй.


Цікава, што з выбарам спецыяльнасці Вольга вызначылася за некалькі месяцаў да выпускных экзаменаў. Раней былі думкі пра сферу культуры. Дзяўчына валодае добрымі акцёрскімі дадзенымі, талентам арганізатара і вядучага мерапрыемстваў, актыўна ўдзельнічала ў мастацкай самадзейнасці. У іншае прафесійнае рэчышча вучаніцу са схільнасцямі да дакладных дысцыплін скіравала настаўніца фізікі.


— Я вельмі ўдзячна Ліі Іосіфаўне Панкрат за падказку і дапамогу, — гаворыць Оля. — Яна шмат займалася са мной і за кароткі час падрыхтавала да тэсціравання, падтрымлівала. Увогуле ўсім настаўнікам Сіцькоўскай школы хочацца сказаць шчырае "Дзякуй!" Мая будучая прафесія — цікавая, запатрабаваная і перспектыўная. Што да мастацкай самадзейнасці, то на гэта заўсёды можна знайсці час і магчымасці.


Вольга марыла вучыцца ў абласным цэнтры, таму адправілася ў Віцебскі тэхналагічны інстытут. Але на бюджэтную форму па конкурсе не прайшла і ў апошні дзень прыёму падала дакументы ў ПДУ. Цяпер не шкадуе, што так атрымалася. Ад Полацка недалёка да роднага аграгарадка Мікалаёва, таму кожныя выхадные прыязджае дадому. У Наваполацку са сваёй сям'ёй жыве старэйшы брат Дзяніс, і ў больш-менш вольны ад вучобы час Оля наведваецца панянчыць любімую пляменніцу Дарынку, якой ідзе чацвёрты год. У інтэрнаце суседка па пакоі—аднакласніца Каця, толькі вучацца ў розных групах.

 
— У маёй групе 30 хлопцаў і толькі 5 дзяўчат, — расказвае студэнтка. — Адносіны паміж намі сяброўскія, усё ў парадку з падтрымкай і ўзаемадапамогай. Вучыцца, вядома, складана, але цікава. Універсітэт—поўная супрацьлегласць школе. Вучням настаўнікі стараюцца як мага прасцей і падрабязней растлумачыць матэрыял, каб усё было зразумела. У выкладчыкаў падыход іншы. Іх задача — даць асновы ведаў, а далей — самаадукацыя. Тут патрэбныя самастойнасць, уменне пера-адольваць складанасці і не скардзіцца на свае праблемы. Студэнт сам за сябе ў адказе.


Праз чатыры гады ў Вольгі будзе дыплом інжынера-праграміста, а пакуль што яна адпачывае дома на канікулах, і, маючы багаты вопыт у справе кулінарнай, радуе тату і маму духмянай выпечкай і апетытнымі стравамі.
Кацярына РЫНКЕВІЧ. 

рейтинг: 
Пакінуць каментар
иконка
Комментировать статьи на сайте возможно только в течении 360 дней со дня публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 января 2023
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Именины 26 января 2023
Максим, Петр, Марфа, Афанасий, Яков

Госці краін

free counters
Партнеры сайта