Авторизация
 

Ім — служыць

Им — служить Што 8 мая — асабліва цудоўны дзень па многіх прычынах, напомніла прызыўнікам, што сабраліся ў актавай зале дзіцячай школы мастацтваў, намеснік старшыні райвыканкама М. М. Баніфатава.

 

Наперадзе вялікае свята — сімвал мужнасці і доблесці народа. Такімі ж стойкімі і мужнымі павінны стаць у арміі нашы юнакі. Марыя Мікалаеўна пажадала хлопцам навучыцца добра берагчы цяперашні нетрывалы мір, часцей пісаць дадому маці і каханым дзяўчатам, памятаць пра гераізм дзядоў і бацькоў і набыць надзейных сяброў-саслужыўцаў.

 

Затым прызыўнікоў віталі самадзейныя артысты, а вядучая запрасіла добраахвотнікаў прыняць удзел у праграме "Адзін дзень у арміі". Будучыя пагранічнікі, дэсантнік, сувязіст і нават спецыяліст радыёэлектроннай барацьбы памераліся сіламі ў розных конкурсах. Пераможцаў вызначыць было не так проста, з перавагай толькі ў адзін бал ім стаў Віталь Ліхін з Пад'ельцаў, у недалёкім будучым воін-сувязіст.

 

Раённы ваенны камісар С. І. Жабёнак нагадаў, што ва ўсіх прызыўнікоў сярод блізкіх людзей былі салдаты, а самі яны апрануць ваенную форму 14 мая, каб прыступіць да выканання ганаровай місіі па абароне Айчыны. У арміі асабліва патрэбны ўзаемавыручка, сумленнасць, прыстойнасць. З імі служба пакіне толькі яркія ўражанні і мноства надзейных сяброў. Райваенкам пажадаў прызыўнікам хутчэй навучыцца падпарадкоўвацца камандзірам з тым, каб навучыцца камандваць самім, асвоіць новую зброю і смела пераадольваць цяжкасці службы.

Вельмі дарэчы пасля такіх слоў была песня ў выкананні юнай артысткі, у якой не раз паўтараліся радкі "Я буду чакаць цябе, каханы мой…"

 

Пра новы адказны этап у жыцці юнакоў гаварыла першы сакратар райкама ГА БРСМ М. П. Кашкур. Яна пажадала юнакам усё паспяваць і вярнуцца моцнымі і дужымі.

Дапаўненнем да такіх слоў сталі відэаролікі з рэкламай службы ў арміі. А дзеянне на сцэне прадоўжылі вучні СШ №3 з эмацыянальнай літаратурна-музычнай кампазіцыяй аб мінулай вайне.

 

Маці аднаго з воінаў Г. А. Макеева пажадала прызыўнікам напаткаць выдатных бацькоў-камандзіраў, не хавацца за спінамі іншых у час нялёгкай службы. "Мы, маці, — гаварыла Галіна Аляксандраўна, — будзем служыць разам з вамі ўсе 24 гадзіны ў суткі". Паабяцаў не падвесці чаканні родных людзей і землякоў, верна служыць Радзіме адзін з прызыўнікоў — Яўген Савіцкі.

Злёт прызыўнікоў раёна закончыўся пад аптымістычныя словы песні пра вернае каханне.

 

Л. МАТЭЛЕНАК.

 

 

 

рейтинг: 
Пакінуць каментар
иконка
Комментировать статьи на сайте возможно только в течении 360 дней со дня публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 9 декабря 2022
Василий, Георгий, Даниил, Иван, Илья, Иннокентий, Михаил, Назар, Николай, Петр, Тихон, Юлиан, Афанасий, Яков

Именины 8 декабря 2022
Александр, Андрей, Василий, Виктор, Григорий, Иван, Иларион, Климент, Кузьма, Николай, Павел, Петр, Ярослав, Семен

Госці краін

free counters
Партнеры сайта