Авторизация
 

З 16 па 23 чэрвеня ў горадзе Шклове Магілёўскай вобласці праходзіла рэспубліканская спартакіяда па розных відах спорту. Нас цікавіць валейбол, бо ў складзе Наваполацкай каманды з Міёраў гонар вобласці абараняла Ганна Пірог, вучаніца 9 класа СШ №1, наведвальніца секцыі па валейболу і капітан старэйшай каманды ДЮСШ. Менавіта яе выбралі з дзесятка іншых дзяўчат пад час абласных спаборніцтваў, якія праходзілі на працягу года.

—Ганна, раскажы, калі ласка, як праходзіла спартакіяда?
—Доўжылася яна восем дзён і толькі адзін адводзіўся для адпачынку: хадзілі ў баню і саўну, плавалі ў басейне. Кожная вобласць выстаўляла сваю каманду—Брэсцкая, Магілёўская, Гродзенская, Мінская, Віцебская, Гомельская і асобна горад Мінск, у склад іх уваходзілі дзяўчаты 1995-1996 гадоў нараджэння. Ад Віцебшчыны было адзінаццаць навапалачанак і я. Перад гэтай падзеяй у Наваполацку праводзіліся зборы (трэніроўкі), аднак я трапіла на іх толькі 14 і 15 чэрвеня, бо якраз здавала экзамены ў школе.

Непасрэдна ў Шклове кожны дзень праходзіў вельмі арганізавана. Вольнага часу практычна не было. На гульнях нават замену называлі па прозвішчу.
Не на карысць пайшла нізкаросласць нашай каманды, у выніку мы занялі толькі пятае месца. Безумоўна, удзел ў спартакіядзе пакінуў шмат уражанняў, і дадаў вопыту.

Удзельніца рэспубліканскай спартакіяды
—Якім быў твой шлях у валейбол?
—Калі вучылася ў пятым класе, да нас на заняткі прыйшоў трэнер са спартшколы і запрасіў на секцыю. Запісаліся разам з сяброўкамі Вольгай Жук і Машай Лагун. Была адна перашкода: у той час я наведвала харэаграфічныя заняткі ў школе мастацтваў. Танцаваць і рабіць розныя расцяжкі ў мяне атрымлівалася, але лічыла гэта ўсё вельмі складаным, таму замест сцэны выбрала спартзалу. Бацькі крыху паўшчувалі, але пасля падтрымлівалі, робяць гэта і цяпер, прыходзячы на турніры і спаборніцтвы, якія праводзяцца ў райцэнтры.

—Чым запомнілася першая трэніроўка?
—Мы з сяброўкамі пераблыталі час пачатку заняткаў, за што былі пакараны—нам загадалі прабегчы некалькі кругоў на стадыёне.

—Магчыма, маеш якое хобі?
—Некалькі год захаплялася бісерапляценнем, наведвала мастацкі гурток і асвоіла батык, выканала некалькі карцін. За атрыманыя навыкі асабліва дзякую настаўніцам Жанне Мікалаеўне Сушко і Алене Віктараўне Кіслай.

—Ёсць лепшая сяброўка?
—Так, гэта Вольга Жук. Яна прывіла мне любоў да батыка. Мы шмат чаго робім разам, раімся, наведваем секцыю, а ў агульнаадукацыйнай школе сядзім за адной партай.

—Што табе дае валейбол?
—Запал і энергію, станоўчыя эмоцыі, калі выігрываем. Увогуле, гэты год дастаткова складаны, бо практычна ўсе выхадныя прысвячаліся спаборніцтвам і трэніроўкам. Аднак гэта дысцыплінуе і выхоўвае адказнасць. Летам у нас зацішна наконт трэніровак, апошні раз былі перад святам горада, калі каманды збіраліся на пляжным валейболе.

Тры гады назад у ДЮСШ прыйшоў працаваць трэнерам Уладзімір Віктаравіч Вішнякоў. Дзякуючы яму наша “валейбольнае існаванне” ажыло: каманда пачала выязджаць на спаборніцтвы ў іншыя гарады, займаць там прызавыя месцы. Кожная трэніроўка на працягу навучальнага года пачынаецца з гутаркі, чым будзем займацца на працягу заняткаў. Калі сустракаемся пасля спаборніцтваў, Уладзімір Віктаравіч кожнаму персанальна расказвае пра дапушчаныя памылкі, дае параду як іх выправіць і ў наступны раз пастарацца не рабіць. Гэтая навука станоўча ўплывае на нас. У калектыве пануе сяброўская атмасфера: кожнага мы віншуем з днём нараджэння, на 8 сакавіка рыхтавалі падарункі для матуляў, разам адзначаем розныя святы. За цудоўны мікраклімат у камандзе шчырае дзякуй нашаму любімаму трэнеру Уладзіміру Віктаравічу.

—Дзякую за размову.

Гутарыла Вольга ВІШНЕЎСКАЯ.
рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 363
  • 0

Інвестыцыйны форум

  • 23 сентябрь 2011, 10:05
  • 68 425
  • 1

Пераброддзе 2012. Погляд вучонага

  • 31 август 2012, 15:19
  • 34 625
  • 0

  • 11 февраль 2011, 11:20
  • 33 369
  • 0

Кандыдатамі жадаюць стаць

  • 21 август 2012, 15:30
  • 32 354
  • 0

Злавілі рыбку, ды… залатую

  • 28 февраль 2011, 16:16
  • 30 697
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 370
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 19 ноября 2018
Анатолий, Арсений, Василий, Виктор, Гавриил, Герман, Константин, Никита, Николай, Павел, Александра, Клавдия, Нина, Серафима

Именины 18 ноября 2018
Гавриил, Галактион, Григорий, Памфил, Тимофей, Тихон

Госці краін
free counters
Партнеры сайта
Сайт Президента Республики Беларусь Витебское областное управление МЧС Витебский областной исполнительный комитет Миорский районный исполнительный комитет Развод раздел имущества; Услуги семейного адвоката требуются не только тогда, когда в супружеской паре произошел конфликт, в результате которого люди приняли решение расстаться. Привлечение семейного адвоката, конечно, поможет облегчить развод раздел имущества. Семейный адвокат (семейный юрист) может помочь и в тех случаях, когда требуется помощь специалиста в разрешении семейных проблем, связанных с приобретением или продажей недвижимости, созданием или ликвидацией семейного бизнеса, получением...