Авторизация
 

Мары збываюцца, калі захацець Уладзіслаў Кліпацкі да 9-га класа вучыўся ў СШ №3, а сёння — навучэнец Віцебскага кадэцкага вучылішча, якое знаходзіцца ў Лужасна (з гэтага года Лужаснянская гімназія атрымала новы статус). Уладзіслаў, як  і большасць хлопчыкаў, з малых гадоў захапляўся футболам: бегаў на стадыён глядзець як гуляюць старэйшыя, сачыў за спартыўнымі падзеямі па тэлебачанні, з аднагодкамі бавіў час вечарамі на полі з мячом.

 

У падлеткавым узросце пачаў наведваць секцыю па футболу ў ДЮСШ. Узгадваў, як ездзілі на розныя спаборніцтвы з трэнерам Вячаславам Васільевічам Богушам. Адно з апошніх, якое праходзіла вясной, асабліва запомнілася, бо на вобласці тады занялі другое месца, абыграўшы Лужаснянскую каманду, якая праводзіць сустрэчы з  футбалістамі з клуба БАТЭ.

 

Увогуле, Віцебскае кадэцкае вучылішча мае два накірункі: спартыўны і гуманітарны. Мара паступіць туды не пакідала Уладзіслава амаль два гады. Здаваць «экзамены» ездзіў з сябрам Аляксандрам Пяткевічам яшчэ пасля восьмага класа. Мэтанакіравана хлопцы пайшлі на іспыты гэтым летам, калі атрымалі базавую адукацыю.

 

Амаль два тыдні праходзілі здачы розных нарматываў, віцебская медкамісія праверыла здароўе хлопцаў. У пачатку жніўня патэлефанаваў адзін з выкладчыкаў вучылішча і паведаміў радасную навіну, што яны залічаны. Выпрабаванні прайшлі паспяхова, і мара Аляксандра і Уладзіслава збылася, цяпер вучацца ў адной групе.  Ва ўрачыстай абстаноўцы 1 верасня адбылося пасвячэнне ў кадэты. Святар іх благаславіў на няпросты шлях навукі.

 

— Вучыцца цікава, два разы на дзень праводзяцца спартыўныя трэніроўкі, асвойваем і агульнаадукацыйныя прадметы. Распарадак дня падобны на армейскі — пад’ём у 7.00, а адбой у 22.00, адводзіцца некалькі гадзін на выконванне дамашніх заданняў, — дзеліцца ўражаннямі Уладзіслаў.

 

Яго малодшы брат Віктар таксама ў гэтым годзе працягвае вучобу ў іншым месцы — у Полацкім кадэцкім вучылішчы. Займаецца ў дзевятым класе і таксама выбраў спартыўны накірунак.

Падтрымлівае Уладзіслава і Віктара ва ўсіх справах самы дарагі чалавек, нязменны сябра і першы дарадца, педагог па адукацыі — іх маці Жанна Францаўна Кліпацкая. Каб быць бліжэй да сваіх кадэтаў, тым больш, што малодшаму пакуль не выдзелілі месца ў інтэрнаце, пераехала ў Полацк, дзе і працягвае сваю настаўніцкую працу ў адной з сярэдніх школ горада.

 

Вольга ВІШНЕЎСКАЯ.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2022
Адриан, Ирина, Яков

Именины 17 мая 2022
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта