Авторизация
 

Міярчане на "Славянскім базары": патанцуюць, паспяваюць, памалююць

 ХХІХ Міжнародны фестываль мастацтваў «Славянскі базар у Віцебску» пройдзе з 16 па 19 ліпеня. Праграма насычана мерапрыемствамі і творчымі спаборніцтвамі. У многіх прымуць удзел міярчане. 

Хто сёлета прадставіць Міёршчыну на «Славянскім базары ў Віцебску» пацікавіліся ў намесніка дырэктара раённага Дома культуры Аляксея Гайдзеля.


– У адкрытым турніры нацыянальных танцаў ад Міёрскага раёна прымуць удзел чатыры пары. Аляксей Рачыцкі і Яна Шмарлоўская, Мікіта Грэцкі і Анастасія Густава выступяць ва ўзроставай катэгорыі ад 16 да 30 гадоў, а Сяргей Ішчук і Марына Дзям’янава, Яўген Кажан і Алеся Барысоўская станцуюць у катэгорыі ад 30 да 50 гадоў. Алеся Барысоўская паспаборнічае яшчэ ў індывідуальным танцавальным батле, – расказвае Аляксей Эдуардавіч. – У конкурсе падворкаў на тэматычнай пляцоўцы ад Міёрскага раёна, як заўжды, парадуе наведвальнікаў народнымі песнямі калектыў «Язынка». Выступяць яны і на зборным канцэрце ад Міёрскага раёна разам з гуртом «Дзісенчукі», салістам Аляксеем Астукевічам і танцавальным калектывам «Натхненне» Дзісненскага гарадскога Цэнтра культуры на адноўленай сцэнічнай пляцоўцы на плошчы Свабоды.


На тэрыторыі Міёрскага падворка можна будзе пабачыць вырабы майстроў Дзісненскага Дома рамёстваў, выставу тэрытарыяльнага цэнтра і іншыя адметнасці Міёршчыны.


Сустрэцца з дзісненскімі майстрамі можна яшчэ і на вуліцы Пушкіна сярод удзельнікаў кірмашу рамёстваў «Горад майстроў». Дзісненцы прадставяць свае работы, выкананыя ў розных тэхніках: пляценне, габелен, пэчворк, вязанне і інш.


На адкрытым свяце-конкурсе майстроў традыцыйнага і сучаснага мастацкага роспісу «Фарбы нябёсаў-2020» прадставіць наш край Алена Батарчук. У пленэры майстроў дэкаратыўнага жывапісу «Райскі сад-2020», прысвечаным 100-годдзю віцебскай мастачкі Марыі Лазаравай, прыме ўдзел настаўніца Міёрскай дзіцячай школы мастацтваў Наталля Даргель.


З праграмай «Гуляйце разам з намі» паспаборнічае ў абласным аглядзе-конкурсе гульнёвых праграм «Вясёлкавы карагод» народны тэатр Міёрскага РДК пад кіраўніцтвам Яны Шмарлоўскай.
Народны інструментальны ансамбль «InSound» на чале з Ігарам Бунтам выступіць на абласным конкурсе народнай музыкі і прыпеўкі «А музыкі граюць, граюць».


Пажадаем нашым удзельнікам паспяховых выступленняў, яркіх перамог і прыемных уражанняў!

Фота для ілюстрацыі.
Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 5 декабря 2021
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Именины 4 декабря 2021


Госці краін

free counters
Партнеры сайта