Авторизация
 

Таццянін дзень: Таццянам уласцівы эмацыянальнасць, настойлівасць, камунікабельнасць. З такой характарыстыкай пагаджаецца жыхарка Цвеціна Таццяна ШЧАРБАКОВА

 Дзень нараджэння Таццяна адзначае ў сакавіку. Між тым яе імя дадае ў каляндар асабістых святаў яшчэ адну дату. Кожны год прымае віншаванні з Таццяніным днём. Памятных сувеніраў не дораць, аднак самы лепшы падарунак – гэта ўвага.

– Прыемна, што родныя і сябры памятаюць пра гэты дзень, – гаворыць Таццяна. – Першым муж віншуе, ні разу не забыўся. Мама тэлефануе. Менавіта яна і вырашыла назваць першую дачушку Таняй. Люблю сваё імя. І ў дзяцінстве яно мне падабалася, і цяпер.


Малая радзіма Таццяны – вёска Гуркі ў Шаркаўшчынскім раёне. У Цвеціна сем гадоў таму пераехала разам з сястрой і яе сям’ёй. Так бы мовіць, за кампанію. Сям’я сястры пасля змяніла месца жыхарства. Таццяна засталася. Працавала страхавым агентам. Цяпер загадвае мясцовым аддзяленнем паштовай сувязі.


– Жыллё пакуль здымаем. Плануем пераязджаць. Але не ў іншы населены пункт, а ва ўласны дом, які тут купілі. Пакрысе робім рамонт. Хочацца пад свой дах, – гаворыць маладая сяльчанка. – Гаспадарку не трымаем. Садзім агарод, кансервую на зіму ўраджай з градак.


Застацца ў сельскай глыбінцы – ініцыятыва мужа Яўгена. Ён заняты ў лясной гаспадарцы, любіць вясковыя спакой і размеранасць, горад яго не вабіць. Да таго ж, заўзятаму аматару рыбалкі лепш заставацца паблізу вадаёмаў. Таццяна прызнаецца, што не адмовілася б ад гарадскога камфорту, але для яе на першым месцы сямейнае шчасце, таму прапанову мужа падтрымала.


У характарыстыцы імені значыцца, што Таццяна ў сям’і займае ролю лідара. Гераіні нашага артыкула гэта не ўласціва. У Шчарбаковых галава сям’і – мужчына. Разам з тым усе рашэнні прымаюць на сямейным савеце, дзе паважаюць меркаванне кожнага.
Яўген падтрымаў жаданне жонкі ўдзельнічаць у мастацкай самадзейнасці. Наведвае мерапрыемствы ў мясцовым цэнтры народнай культуры і фальклору, дзе Таццяна выступае вядучай.


– Мясцовыя культработнікі даўно ў артысты запрашалі. Спачатку адмаўлялася. Думала, гэта не маё і наўрад ці што атрымаецца. Урэшце пагадзілася, – расказвае субяседніца. – Ужо год як наведваю нашу ўстанову культуры. Удзельнічала ў раённых аглядзе-конкурсе мастацкай творчасці і экафестывалі, пабывала на «Славянскім базары» ў Віцебску. Усё гэта цікава, уносіць разнастайнасць у звычайныя дні.


 Адметнымі для Таццяны рысамі лічацца ўпэўненасць і эмацыянальнасць. Адзначае іх у сваім характары і наша суразмоўца. Гэтыя якасці дапамагаюць ёй і на сцэне, і ў паўсядзённых сітуацыях. Дарэчы, разам з мамай спяшаецца на рэпетыцыі старэйшы сын-шасцікласнік Арцём. Малодшаму Дзянісу чатыры гады, у артысты пакуль не просіцца.


Сям’я – галоўная каштоўнасць для Таццяны. Стараецца больш часу прысвячаць самым блізкім. Падчас камандзіровак мужа частку хатніх клопатаў бярэ на сябе старэйшы сын. Ды і калі ўсе дома, ён рады дапамагчы. Малодшы ахвотна вучыцца пісаць пад маміным наглядам.


– З аднаго боку, дзецям было б лепш у горадзе. Там шмат магчымасцей для развіцця: школы мастацтваў, разнастайныя секцыі і гурткі. Разам з тым вёска выйграе ў плане экалогіі. Калі бываем у горадзе, сын штораз пытаецца: «А як тут людзі дыхаюць?!» – гаворыць сяльчанка. – Я так лічу: хочаш жыць – усюды пражывеш. Усё залежыць ад жадання, настойлівасці, працавітасці.


Мэтанакіраванасць і цвёрдасць таксама ў ліку якасцей, уласцівых уладальніцам імя Таццяна. Наконт гэтага Таццяна Шчарбакова не спрачаецца.

Фотаматэрыял Казіміра БЛАЖЭВІЧА і з асабістага архіва Таццяны ШЧАРБАКОВАЙ.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 062
  • 0

Інвестыцыйны форум

  • 23 сентябрь 2011, 10:05
  • 84 180
  • 1

Злавілі рыбку, ды… залатую

  • 28 февраль 2011, 16:16
  • 76 708
  • 0

Пераброддзе 2012. Погляд вучонага

  • 31 август 2012, 15:19
  • 42 146
  • 0

  • 11 февраль 2011, 11:20
  • 40 608
  • 0

Кандыдатамі жадаюць стаць

  • 21 август 2012, 15:30
  • 36 391
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 529
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 февраля 2020
Александр, Андрей, Захар, Макар, Петр, Сергей, Степан, Федор, Семен

Именины 20 февраля 2020
Александр, Алексей, Петр

Госці краін

free counters
Партнеры сайта