Авторизация
 

Жураўлінай сцежкай прайшлі маладыя сем'і Міёршчыны

 У праграме фестывальнага тыдня – пасяджэнне клуба маладой сям’і «Жураўлінай сцежкай». Дата – 10 верасня. Месца сустрэчы – візіт-цэнтр заказніка «Ельня» і экасцежка на балоце. 

Назваць сустрэчу міёрскіх маладых сем’яў пасяджэннем будзе не зусім дакладна. Сядзелі толькі ў візіт-цэнтры, пакуль знаёміліся паміж сабой, і ў мікрааўтобусе, на якім скіравалі на экасцежку.


Доўга гулялі па драўляным насціле разам з дырэктарам ДПУ «Ельня» Іванам Барком, галоўным спецыялістам аддзела ідэалагічнай работы, культуры і па справах моладзі Ірынай Чарняўскай і начальнікам аддзела загса Ірынай Юхно. Любаваліся маляўнічымі краявідамі, слухалі цікавыя і пазнавальныя расповяды пра балота.


– Тут прыгожа, – заўважае Яна Шульга.
Віцябчанка ўпершыню на Ельні. Яе муж Мікіта з Міёр, але яму таксама не даводзілася бываць на экасцежцы.
– Такія цішыня і спакой, – дадае ён. – Хочацца прыйсці сюды яшчэ.


Прагулка па Ельні для Мікіты і Яны нібы невялікае вясельнае падарожжа. Іх сям’я самая маладая – тры дні, як узялі шлюб.
Цікава распавядаў пра балотны свет Іван Барок. Пра мох-сфагнум, што ўбірае ў сябе вады ў дзясяткі разоў больш за ўласную вагу.

Пра непаўторнае відовішча такавання цецерукоў. Пра шчупака ў 30 кілаграм, калісьці вылаўленага ў адным з яльнянскіх азёр. Пра драпежніцу-расянку, у якой адбіраюць корм мурашы. Пра балотную ваду, якую можна піць і не напіцца, бо не ўтрымлівае солей.


– Праз нашу Міёршчыну працякае рака Заходняя Дзвіна, тут багата азёр, у нас знаходзіцца самае вялікае ў Еўропе верхавое балота. У цудоўным месцы жывём. Гэтым трэба ганарыцца, – адзначыў Іван Іванавіч.


На зваротным шляху накіраваліся на палі, што паміж вёскамі Цілеўцы, Мілейкі і Чапукі. Тут збіраюцца ўдзень журавы. Гук машыны ўважлівыя птушкі пачулі здалёк – і вось цэлыя чароды з гучным курлыканнем узнімаюцца ў паветра.

У ТЭМУ
На памяць пра сустрэчу кожная сям’я атрымала буклеты з асноўнай інфармацыяй пра заказнік «Ельня» і сувенір ручной работы – Журавінніка.

Фота аўтара.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 564
  • 0

Інвестыцыйны форум

  • 23 сентябрь 2011, 10:05
  • 81 968
  • 1

Злавілі рыбку, ды… залатую

  • 28 февраль 2011, 16:16
  • 64 939
  • 0

Пераброддзе 2012. Погляд вучонага

  • 31 август 2012, 15:19
  • 41 050
  • 0

  • 11 февраль 2011, 11:20
  • 39 702
  • 0

Кандыдатамі жадаюць стаць

  • 21 август 2012, 15:30
  • 36 174
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 245
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 октября 2019
Андрей, Борис, Василий, Георгий, Давид, Иван, Константин, Михаил, Петр, Степан, Федор, Анна

Именины 14 октября 2019
Александр, Алексей, Георгий, Иван, Михаил, Николай, Петр, Роман, Вера

Госці краін

free counters
Партнеры сайта