Авторизация
 

Дзень адчыненых дзвярэй міліцэйскіх ВНУ прайшоў у Міёрах

 Дзень адчыненых дзвярэй міліцэйскіх ВНУ прайшоў у Міёрах 20 кастрычніка. Прафарыентацыйная сустрэча сабрала старшакласнікаў з Міёрскага, Шаркаўшчынскага, Браслаўскага і Верхнядзвінскага раёнаў. Школьнікі прымерылі на сябе службу праваахоўнікаў і даведаліся, які шлях вядзе ў міліцэйскія рады.

ЗНАЁМСТВА з прафесіяй пачыналася на плошчы ля раённага Дома культуры. Юнакам і дзяўчатам расказвалі пра абсталяванне машын дарожна-патрульнай і службы аховы, запрашалі ў салон. Побач дзяжурылі міліцыянер-кінолаг Міёрскага аддзялення аховы Павел Шанін са сваёй нямецкай аўчаркай па мянушцы Грэй. З дазволу гаспадара сабака ахвотна ішоў на кантакт.'


 У фае РДК размясцілася выстава міліцэйскіх узбраення і спецсродкаў. Можа было прымерыць бронекамізэльку, патрымаць у руках зброю. Супрацоўнікі ДАІ экзаменавалі па Правілах дарожнага руху. Прыз атрымліваў кожны ўдзельнік. За тэст без памылак ці з адным парушэннем — стылізаваныя вадзіцельскія правы.


Свабодных месцаў у зале засталося мала. На сцэне з паказальным нумарам выступілі байцы спецпадраздзялення АМАП Упраўлення ўнутраных спраў Віцебскага аблвыканкама. Уражанні гледачоў пацвердзілі гучныя апладысменты.
Затым старшакласнікам расказалі пра структуру міліцыі. Крымінальны вышук, барацьба з эканамічнымі злачынствамі, наркакантроль і супрацьдзеянне гандлю людзьмі, грамадская бяспека, ахова і іншыя напрамкі. У кожнай службе патрэбны адказныя, дасведчаныя, фізічна і псіхалагічна загартаваныя супрацоўнікі.


 РЫХТУЮЦЬ МІЛІЦЫЯНЕРАЎ дзве вышэйшыя навучальныя ўстановы — Акадэмія Міністэрства ўнутраных спраў Рэспублікі Беларусь і Магілёўскі інстытут МУС.


Прадстаўнікі гэтых ВНУ Міхаіл Беляновіч і Юрый Кулажын пазнаёмілі з асаблівасцямі ўступнай кампаніі, умовамі навучання і быту курсантаў.
Першы крок выпускніка школы, які вырашыў стаць міліцыянерам, — звярнуцца ў аддзел унутраных спраў па месцы жыхарства. Чым раней, тым лепш. Трэба прайсці спецправерку, ваенна-ўрачэбную камісію, сабраць дакументы. Апошнія павінны быць у парадку. Сёлета абітурыента Акадэміі МУС адправілі дадому з-за пратэрмінаванага пашпарта. У дваццаці аднога выпускніка школы быў атэстат з няправільна ўказаным сярэднім балам. Лічба акругляецца да дзясятых долей. Напрыклад, 8,5, а не 8,51. Такія моманты азмрочаць паступленне, нават калі ў сертыфікатах тэсціравання высокія балы. ЦТ здаюць па трох прадметах. Мінімальны вынік па беларускай ці рускай мовах павінен быць 10 балаў, па замежнай мове — 15, па грамадазнаўстве — 20.


 Як заўважылі выступоўцы, дзяўчатам стаць курсантамі складаней. Сёлетні прахадны бал у Акадэмію — 361. Для хлопцаў самая высокая планка была ў 268 балаў на спецыяльнасць "Судовая экспертыза". У Магілёўскі інстытут юнакоў прымалі з балам 159, а дзяўчатам трэба было набраць 328.


 ВУЧОБА ў міліцэйскіх ВНУ мае шэраг пераваг і свае складанасці. Курсантаў забяспечваюць бясплатным харчаваннем, абмундзіраваннем, інтэрнатам і стыпендыяй. Гарантуюць першае працоўнае месца. Разам з тым навучанне сумяшчаецца з нарадамі і строгай дысцыплінай.
Тэарэтычную частку змяніла канцэртная праграма. Пра няпростую службу спяваў ВІА "Северо-Запад" УУС аблвыканкама. "Нас героями не зовут. Это наш повседневный труд", — гучаў песенны радок. Можа быць, хтосьці з гледачоў пераканаўся, што быць на варце спакою і бяспекі — яго справа. 

Фотаматэрыял Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 366
  • 0

Інвестыцыйны форум

  • 23 сентябрь 2011, 10:05
  • 68 431
  • 1

Пераброддзе 2012. Погляд вучонага

  • 31 август 2012, 15:19
  • 34 628
  • 0

  • 11 февраль 2011, 11:20
  • 33 374
  • 0

Кандыдатамі жадаюць стаць

  • 21 август 2012, 15:30
  • 32 357
  • 0

Злавілі рыбку, ды… залатую

  • 28 февраль 2011, 16:16
  • 30 703
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 374
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 19 ноября 2018
Анатолий, Арсений, Василий, Виктор, Гавриил, Герман, Константин, Никита, Николай, Павел, Александра, Клавдия, Нина, Серафима

Именины 18 ноября 2018
Гавриил, Галактион, Григорий, Памфил, Тимофей, Тихон

Госці краін
free counters
Партнеры сайта