Авторизация
 

З прэзентацыяй новага альбома “Твая любоў” выступілі на сцэне РДК наша зямлячка Леся Кодуш і яе муж Слава Нагорны. Разам з імі ў канцэрце прымаў удзел шоу-балет “NEXT”, канкурсант вядомага фестывалю “Славянскі базар” і шматлікіх тэлепраектаў.

Непасрэднасць і адкрытасць артыстаў дазволілі міярчанам, а таксама тым, хто прыехаў з іншых куточкаў раёна, па-сапраўднаму адпачыць і зарадзіцца аптымістычным і светлым настроем. Дуэт падарыў зале шмат прыгожых песен пра каханне. Леся выканала дзве кампазіцыі на французскай мове. Удзячныя гледачы адорвалі спевакоў кветкамі.


Праграма ўключала і нумары пескаграфіі. Выконвала кампазіцыі майстра сваёй справы Аляксандра Канафальская, якая з гастролямі аб’ездзіла вельмі шмат краін, у тым ліку і Кітай. З уважлівасцю сачылі ўсе за плаўнасцю рухаў мастачкі і за тонкімі малюнкамі, якія нараджаліся ад аднаго ўзмаху і так жа хутка — за некалькі секунд ужо пераўтвараліся ў іншы пейзаж або кампазіцыю. Шчодрыя апладысменты прагучалі ў той момант, калі на экране раптам “вымаляваўся” міёрскі герб.

На конкурсах, якія праводзілі самі артысты, разыгрываўся іх новы альбом “Твая любоў”. Напачатку самалёцікі: з усіх людзей, хто злавіў рознакаляровыя папяровыя аэрапланы, выйграў толькі той, да каго трапіў чырвонага колеру, бо сімвалізаваў каханне. Дастаткова цікава прайшоў і дыялог “Пытанне гледачоў — адказ Лесі і Славы”. Смелая трохгадовая дзяўчынка Мілана прынесла некалькі пытанняў на сцэну. Слава папрасіў яе што-небудзь праспяваць, яна не разгубілася і выканала слупок добра вядомай дзіцячай песенкі “Аблокі”, за што таксама атрымала прыз. Пытанні публікі датычыліся як сям’і, творчасці, так і быту. Адным словам, прыхільнікаў дуэта цікавіла шмат чаго. Жартам і ўсур’ёз, але адказы былі вычарпаны. Тры шчасліўчыкі атрымалі новыя кампакт-дыскі.

Танец “Любоў” у выкананні шоу-балета “NEXT” працінаў да самых тонкіх струнаў душы, у прынцыпе, як і ўвесь канцэрт. Упершыню на сцэне прагучала і новая песня дуэта “Бяжы за мной”. Шчырыя словы падзякі выказала Леся сваім родным, якія прысутнічалі на канцэрце, а таксама свайму лепшаму і першаму настаўніку, выкладчыку школы мастацтваў Сяргею Рыгоравічу Аляксееву.

Дзве гадзіны праляцелі непрыкметна, а гэта яшчэ раз пацвярджае, што канцэрт быў цудоўны. Усё добрае хутка заканчваецца, але гледачы выклікалі на біс артыстаў. Здавалася, што шчодрыя апладысменты публікі не сціхнуць. Леся і Слава паабяцалі яшчэ не раз наведаць наш край.

Вольга ВІШНЕЎСКАЯ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 апреля 2021
Вадим, Гавриил, Марфа

Именины 21 апреля 2021
Иван, Сергей, Мария

Госці краін

free counters
Партнеры сайта