Авторизация
 

Следчы з Міёр

 Кацярына РЫНКЕВІЧ.

Фота аўтара.

Інструменты следчага — ясная галава, ручка з поўным стрыжнем і аркушы паперы. З такім арсеналам прыступае да галоўнай задачы — усебакова расследаваць злачынства. Высветліць, хто пацярпелы, а хто вінаваты.

На дзяжурстве

З Дзмітрыем сустрэліся ў дзень яго дзяжурства. На чале аператыўнай групы следчы павінен выязджаць на месцы здарэнняў. Паступяць на 102 трывожныя званкі ці змена будзе спакойнай, невядома.


— Па графіку дзяжурства выпадае шэсць-сем разоў на месяц. Заступаю ў восем раніцы. Атрымліваю зброю, праходжу інструктаж. Займаюся запланаванымі справамі і гатовы ў любы час выехаць на выклік. Заканчваецца змена ў восем раніцы наступнага дня. На ноч дзяжурны следчы на рабоце не застаецца. Пасля шасці вечара зброю здаю. Дома ўвесь час на сувязі. Выклікаць могуць і апоўначы, і на золку, — расказвае Дзмітрый Аляксандравіч.


 Падчас дзяжурства сустрэчы са сведкамі не прызначае. Паколькі не ведае, як складзецца дзень. Па тэлефоне допыт не правядзеш. Пад паказаннямі абавязковыя подпісы.


Запланаваў работу з матэрыяламі па справах. Іх сем у вытворчасці. Расследуе два злачынствы, звязаныя з захаваннем наркатычных сродкаў, крадзяжы, незаконнае перасячэнне дзяржаўнай граніцы.


— Згодна з крымінальна-працэсуальным кодэксам, справа расследуецца да двух месяцаў. Звычайна спраўляемся за адзін. У парадку паскоранай вытворчасці — да дзесяці дзён, — тлумачыць следчы. — Мая задача — дапытваць падазраваных і сведкаў, запрошваць характарыстыкі, прызначаць экспертызы. Словам, сабраць матэрыялы для перадачы справы ў суд.


Гісторыя аднаго злачынства — гэта папка са 150-200 лістамі. Некаторыя расцягваюцца на некалькі тамоў. Следчы вядзе адначасова па шэсць-сем і больш спраў.

Пра відавочнасць і нечаканасць

На здарэнне выязджаюць супрацоўнік крымінальнага вышуку, эксперт-крыміналіст, участковы інспектар міліцыі. Следчы на месцы прымае заявы пацярпелых, размаўляе са сведкамі, аглядае тэрыторыю. Дзеянні фіксуе ў пратаколе. Ёсць састаў злачынства —узбуджае крымінальную справу. Але спешка тут не на руку.


Дзмітрый прыводзіць выпадак з прапажай быка з поля. Абставіны няясныя, таму справу па факце крадзяжу адразу не заводзілі. Праз тыдзень гадаванец сам вярнуўся дадому. Жывёла сарвалася з прывязі і блукала па ваколіцах.


— Калі на месцы здарэння няма відавочных слядоў злачынства, не трэба спяшацца з крымінальнай справай, — упэўнены следчы.
Памятае першы выезд. У Міёрах у пен-сіянеркі ўкралі грошы. Злодзея ўстанавілі адразу. Жыхарка Пад'ельцаў зайшла нібы дапамагчы па гаспадарцы. Другую справу ў суд накіраваў па факце пагрозы забойствам. На падобныя і іншыя злачынствы следчы Шыманскі дзясяткі разоў выязджаў у розныя пункты раёна. Здаралася, неаднойчы за змену. Прыгадвае дзяжурную нядзелю з трыма выездамі на крадзяжы. Выклікалі ў сем раніцы, а вярнуўся дадому за апоўнач.


 — Заўважыў адну асаблівасць: калі некалькі дзяжурстваў запар выезды, пасля наступае зацішша, — гаворыць Дзмітрый. — Аднак пастаянна трэба быць гатовым да любых нечаканасцей.

Адзнакі за службу і творчасць

Звычайны працоўны дзень у раённым аддзеле Следчага камітэта пачынаецца ў дзевяць гадзін. Абмяркоўваюць на планёрцы задачы і разыходзяцца іх вырашаць. За два гады службы Дзмітрый прывык да насычанага графіку. Гаворыць, што ў Акадэміі Міністэрства ўнутраных спраў атрымаў добрую псіхалагічную загартоўку і патрэбныя практычныя навыкі.


— У школьныя гады думаў пра прафесію юрыста. І хацеў быць афіцэрам, як мой бацька, былы супрацоўнік раённага аддзела па надзвычайных сітуацыях, — расказвае Дзмітрый. — Паступаць у Акадэмію МУС зарыентавалі нашы міліцыянеры. Прыносілі ў школу буклеты пра ўстанову, расказвалі пра вучобу. Выбраў следча-экспертны факультэт.


Курсанцкія гады разам з лекцыямі і практыкай запомніліся нарадамі на кантрольна-прапускным пункце і ў сталовай. Дзяжурствамі на парадах і ў навагоднія ночы, калі салюты "глядзелі" са спіны. Канцэртамі і фестывалямі, куды хадзілі пашыраць кругагляд. Падчас вучобы ў Дзмітрыя раскрыліся літаратурныя здольнасці. Стаў пісаць вершы і апавяданні. Пра службу і пра жыццёвыя рэаліі.
На сцяне ў рабочым кабінеце дыплом фестывалю "Таленты Следчага камітэта". Узнагароду за другое месца ў намінацыі "Паэзія і проза" атрымаў у жніўні. Выступаў з вершам пра следча-экспертную групу. Па выніках работы за першае паўгоддзе аб'явіла ўдзячнасць абласное ўпраўленне.


Старшы лейтэнант юстыцыі Дзмітрый Шыманскі лічыць, што пачынаць службу ў родным горадзе прасцей. Настроены расці ў прафесіі і па службе.


— Вопыт залежыць не ад колькасці выездаў на месцы злачынстваў, а ад таго, які ўрок узяў для сябе з чарговай справы, — гаворыць следчы.

Шэрлак Холмс, камедыі і сям'я

На службе настольныя кнігі следчага — Канстытуцыя Рэспублікі Беларусь, Крымінальны і Крымінальна-працэсуальны кодэксы. Дома чытае Эдгара По і Артура Конан Дойла. Спіс любімых твораў папоўніў раман Джэрома Сэлінджара "Над пропастью во ржи". З кінафільмаў выбірае камедыі, замежныя стужкі, што прымушаюць паразважаць, і дэтэктывы з непрадказным фіналам. Рускія серыялы пра міліцыю не цікавяць. Па меркаванні прафесійнага следчага, гульня акцёраў не дацягвае да сапраўднасці.


Любімы фільм у Дзмітрыя — відэаздымка яго вяселля. У ліпені з Кацярынай адзначылі першую гадавіну. Пазнаёміліся ў студэнцтве. Каця працуе сацыяльным педагогам у СШ №2. На яе малую радзіму ў Гродзенскую вобласць наведваюцца ў водпуску. У буднія вечары дапамагаюць па гаспадарцы дзядулю з бабуляй і бацькам у Міёрах.

P.S.

Да канца працоўнага дня заставалася гадзіна, калі дзяжурны следчы разам з аператыўнай групай адправіўся ў Ідолта. Высвятлялі абставіны смерці вяскоўца, які пражываў адзін. Адтуль у сем вечара паехалі ў супрацьлеглы бок раёна. З аграгарадка Мікалаёва паведамілі пра крадзеж з жылля. Дома Дзмітрый быў у дзве гадзіны ночы. На працу, як звычайна, прыйшоў на дзевяць раніцы.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 631
  • 0

Злавілі рыбку, ды… залатую

  • 28 февраль 2011, 16:16
  • 95 019
  • 0

Інвестыцыйны форум

  • 23 сентябрь 2011, 10:05
  • 90 707
  • 1

  • 11 февраль 2011, 11:20
  • 43 660
  • 0

Пераброддзе 2012. Погляд вучонага

  • 31 август 2012, 15:19
  • 42 725
  • 0

Кандыдатамі жадаюць стаць

  • 21 август 2012, 15:30
  • 36 772
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 927
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 декабря 2020
Александр, Алексей, Борис, Григорий, Иван, Митрофан, Федор

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Госці краін

free counters
Партнеры сайта