Авторизация
 

Лагер у Новапагосцкай школе

 Сёлета ў лагеры "Праменьчыкі" пры Новапагосцкай школе адпачывалі 30 вучняў. Яны згуртаваліся ў атрады "Смяшарыкі" і "Сузор'е". Праведзена шмат акцый і мерапрыемстваў. Кіравала лагерам педагог Наталля Маркевіч.

Камандзіры атрадаў Мікіта Мышкоўскі і Анастасія Хмельнік сачылі за тым, як іх "падначаленыя" выконваюць даручэнні, падтрымліваюць парадак. Адказны за савет камандзіраў Ілья Страха дзеліцца ўражаннямі: "Я не заўважыў, як хутка праляцеў час. Усё прайшло супер. Стараўся быць справядлівым. У парушальнікаў дысцыпліны адмінусоўвалі па жэтончыку-сонейку".


Дзеці ўдзельнічалі ў традыцыйных акцыях "Уборка ля абеліска", "Чысты двор", сустрэліся з інспектарам аддзела па надзвычайных сітуацыях Дзмітрыем Плотнікавым, са старшым участковым інспектарам па справах непаўналетніх Святланай Хаданёнак. Хадзілі на экскурсіі ў амбулаторыю, бібліятэку, аддзел па надзвычайных сітуацыях, сельскі клуб, выратавальную станцыю і гісторыка-этнаграфічны музей. Прафарыентацыйная сустрэча адбылася ў міні-дэндрапарку новапагосцкага лясніцтва.


На школьным аўтобусе з вадзіцелем Эдуардам Юршэвічам вучні і выхавальнікі праехалі па маршруце Новы Пагост-Міёры-Ідолта-Мілашова-Вята. Экскурсаводам была гісторык Наталля Самсановіч. Што дзецям асабліва запомнілася? Касцёл Маці Божай Шкаплернай у вёсцы Ідолта — адзіны храм у стылі мадэрн у Беларусі. Сядзіба Мілашаў, якая паходзіць з ХІХ ст. Галоўны яе дом і фамільная капліца-пахавальня выдатна захаваліся да цяперашняга. Мы прайшліся па драўляным мілашоўскім мосце, які вядзе да адной з найстарэйшых школ раёна. У 2013 годзе Мілашоўскай ДС-БШ споўнілася 140 гадоў. Тут выхаванцы лагера пазнаёміліся з дашкалятамі і пагушкаліся з імі на арэлях.


Што такое рай для дапытлівага турыста? Гэта вадаспад на рацэ Вята, непадалёк ад вёскі Пруднікі. У XIX ст. тут стаяў вадзяны млын. А ў сярэдзіне XX ст. вадаспад "сілкаваў" мясцовую электрастанцыю, ад якой засталіся толькі руіны.


Сумаваць не прыйшлося і ў апошні дзень змены. У многім тут заслуга саміх выхаванцаў, якія да выніковай праграмы падрыхтавалі пародыі на эстраду, фокусы, вершы, танцы, гумарыстычную насценгазету "Фотаўсмешка ці не заўважылі камеры". Камандзіры атрадаў узнагароджаны граматамі, астатнія — сувенірамі. Кожны знайшоў тут справу па душы, праявіў сябе. Да новых сустрэч, нашы верныя сябры!


Таццяна ЯНУШОНАК, намеснік дырэктара лагера.

Фота аўтара.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 июня 2021
Иван, Митрофан, Назар, Петр, Ростислав, Мария, Марфа, Софья

Именины 16 июня 2021
Денис, Дмитрий, Лукьян, Михаил, Павел, Юлиан, Афанасий

Госці краін

free counters
Партнеры сайта